المساعد الشخصي الرقمي

مشاهدة النسخة كاملة : :: كلمات الأغاني السودانية ::


محمد الزبير محمد علي
13-Jul-2008, 01:00 PM
هناا
سنجمع أكبر قدر ممكن من كلماات الأغاني السودانية
الوطنية .. أغاني الحقيبة والجيل الأول .. والشبااب

أستقبل طلباتكم
في بوست طلبات الموسيقى
سووااء للأغاني أو كلمااات الأغاني

محمد الزبير محمد علي
13-Jul-2008, 01:33 PM
العاطفة النبيلة



عليك ياحب تحياتى
عليك اوقفته غاياتى
لحبى اضحى بحياتى

احب الحب وايامو
وذكرياتو واحلامو
ومايوحيه الهامو

حياة الحب اسميها السعادة بكل معانيها
اقيف ليلاى اغنيها روح ياليل تعال ياليل

احب فى كل اوقاتى الاقى حبيبى يوماتى
اقيف ليهو يقول لى العهود بيناتنا مرعية

اقول ليهو تعال لى حبيب ريدى تعال لى
نجلس جلسة غزلية امتع فيك عينى
اشوفك وانسى آلامى اقول حققته احلامى

على تميل
عليك اميل عشان نميل سوا ياجميل
فيك امعنته نظراتى وجدتك كل مسراتى
وافراحى وملزاتى

احبك وانسى فيك زاتى
حبيبى غرامى تقديسك ويرتاح قلبى بى حديثك

حديثك شفى العليل
وحاتك يالصادق نبيل البيشبه حبى الاصيل
يكون جميل
وانا ياجميل اهوى الجميل يكون جميل

محمد الزبير محمد علي
13-Jul-2008, 05:04 PM
بتتعلم من الأيام

غناء .. محمد الأمين
كلمات .. اسحاق الحلنقي

بتتعلم من الايام مصيرك بكره تتعلم
وتعرف كيف يكون الريد وليه الناس
ليه ليه بتتــــالـــم
متين عرف الهوى قلبك
متين فاضت بااهات متين سهر
عيونك ليل طويله ساعات
وحاتك لسه مابتقدر تقاسم قلبى دقاتو
اقابلك وكلى حنيه واخاف من نظرتك لليا
واخاف شوق العمر كلو يفاجئك يوم فى عينيه
ورى البسمات كتمت دموع وبكيت من غير تحس بيا
وبكره وبكره الريد الريد بدون مواعيد يزورك
ياحياة عمرى وتقول ياريتنى لو حبيت
زمان من بدرى
وتعال تعال تعال فرح ليالينا وتعال قبل
السنين تجــــرى

محمد الزبير محمد علي
13-Jul-2008, 05:11 PM
كلمات : مبارك المغربي
أداء وألحان: صلاح بن البادية


ما عشقتك لي جمالك
إنت أيه من الجمال
أو هويتك لي خصالك
أنت أسمى الناس خصال
أو لي روحك لي جلالك
إنت هالة من الجلال
الفؤاد دايماً بنادي
في اغترابي وفي ابتعادي
ليك لأنك من بلادي
شلت من النيل صباهو
ومن جمال النيل بهائو
من مناظر السبر صفحة
من ريهد البردي لوحة
من نخيل الباوقة طرحة
من مريدي السمحة نفحة
الطبيعة حنت عليك
خلدت بصماتا فيك
ليك غرد كل شادي
ما بصحو طريقنا باين
يا شبابنا نقيف نعاين
الأمل معقود علينا
والعمل ظمئان إلينا
بي سواعدنا ونضالنا
في جنوبنا وشمالنا
غير من يحرث أرضنا
يبني ويعمر بلدنا
غيرنا مين يفني الأعادي
نحن سافرنا وبعدنا
ما عرفنا هواك بعدنا
كل ما لاقتنا فتنة
الفؤاد حن ولفتنا
وكل ما اتمناهو بسمة
من ملاك أضناه حبو
حلموا كان في الغربة نسمة
من أريج بلدو البحبو
جينا في لهفة مشاعر
ليه تزحمنا الخواطر
نبني مجدك يا بلادي

محمد الزبير محمد علي
14-Jul-2008, 08:20 PM
في الليلة ديك
زيدان ابراهيم

في الليلة ديك لا هان علي أرضى و أسامحك
ولا هان علي أعتب عليك
شلتَ الجراح و الابتسامة وكل حرمان اليتامى
جيت أهنيك و أصافحك…… جيت أقول مبروك عليك
و مديت يميني بلا كلام
ما قدرت قدامك أقيف
ورجعت حابس أدمُعي

*******
في الليلة ديك
و الناس تشارك فرحتِك
حسيت بأني غريب هناك
وغريبة أنتي في دنيتك
حسيت معاني الفرقة حسيت …… بالوجود ماخد سواد من حنتِك
شفت الدموع خلف الرموش
مكبوته بى حسرة وضياع
ورعشة الكف الخضيض
مقرونة بي نظرة وداع
جابُ القدر في سِكتِك
****
في الليلة ديك
جيت أهنيك وأصافحك…… جيت أقول مبروك عليك

محمد الزبير محمد علي
15-Jul-2008, 04:03 PM
يا مولاي


يا مولاي آه من غلبي
من النار وحرقت قلبي
يا مولاي بشكيلك شقاي وغلبي
حظي الديمة من ند الأنيس قافلبي
طالت السفره وأتحفّت مناسم تِلبي
هب الريم وعاودك الحنين يا قلبي
مالك نفسي مطعونة تملّي تنيني
مالك عيني للغميدة أبيتي تليني
عطشان ديمة كفح الموية ما برويني
كاتلاني الطريفيه البريدا قريني
الناس عيّدت مرقت على أصحابا
وأنا فريت على الجاهلة السمح ترحابا
فاطراً بيحكي برّاق البدودي سحابا
لفت قلبي زي لف طرحته اللافحابا
ختّت أيدا فوق إيدي إنجذت خِدرتا
حبيت أمشي من كُتر الطرب ما قِدِرتا
بقت الحِنه بين إيدي وإيديها إندِرتا
لولا الحِنه بيني وبينها ودِرتا
أخدر ليهو ضُل فوقو المحاسن شرّن
وأفلج فاطرو زي برق السواري إتكرّن
إتقسّم مقاطِع في المشي وإتحرّن
زي فرخ القطا الأماتو ركّن وفرّن
إتمنى الدهب لو لونو يشبه لونِك
إشتهت الدُرر لو هي تبقى سنونك
مجنون ليلى حالتو أقلّ من مجنونِك
ما دام ليلى كانت في المحاسن دونِك
عن من أحبو أنا غير خاطري فُرِقتا
هايج بي غرام عن حالتي كُلي سُرِقتا
لولا أدمُعي من ناري كنت حِرقتا
ولولا ناري من كترت دموعي غِرقتا

محمد الزبير محمد علي
15-Jul-2008, 04:05 PM
قسوة الايام

معتز صباحي

سنين مع قسوه الايام
افتش عن امل مجهول
شايل قلبي سغم الليل
تعبتا انا فترتا تعبتا
خلاص غلبني القول

انا اسئل نفسي واتعجب
حابي الراح منو المسؤل
سنين تايه مع الاحزان
من الحزان بقيت مسؤل
وكل وما ابدا انا قصه ريد
يقسي حبيب ويمشي بعيد
انا المجروح خلاص هميت
انا نفسي احيا انا نفسي
اعيش اشوف الدنيا تبسم لي

نفسي الدنيا تبسم لي
واعيش حياتي وابقي سعيد
وكل احلامي تتحقق
كل يوم جديد في جديد
الدنيا ظلمتني
سنين هجري وسنين حرمان
وسنين دمعات تجري تسيل
واتحسر علي قلبي
قلب مفجوع
وديمه غريب

محمد الزبير محمد علي
17-Jul-2008, 11:40 AM
.....المهرجان....

عبقرية الكاشف...

رف قلبى بى جناح النسايم...
رف قلبى بى جناح النسايم...
*****
راح وشافك وشاف جمالك
وراح وشافك وشاف جمالك ..
شافك لقاك اجمل ملاك ...وردة ريبع غطاك نداك
شافك لقاك اجمل ملاك ...وردة ريبع غطاك نداك...
******
يا وردة احلى من الزهور ..
مالوا القمر يا حلوة خلاهوا الظهور
رسلت قلبى اليك هناك...
جانى ورجع محتار معاك...
احتار انا ..احتار انا...
احتار انا..احتار انا ...
******

انا حبى وين؟؟انا عمرى وين؟؟
انا حبى وين ؟؟انا عمؤرى وين؟؟
عمر المعذب كم سنة؟؟
احترت فى عمر السنين...
وانا الهناك ولا الهنا...
بقت حياتى مقسمة ...نص فى الارض ونص فى السما
بقت حياتى مقسمة... نص فى الارض ونص فى السما

وانت القمر وانا كلما زح السحاب..
القاك تيبن..فيك الدلال..
واصلو الدلال حق الشباب...
اصلو الدلال حق الشباب..
فيك الدلال..
وانت السحاب حجبك كتييير
وانا فى الا رض يا روحى ...حارقنى الهجير..

******
بتنسى ليه ؟؟وانا قلبى بيتذكر كتييير
يوم لقيتك وهويتك...
وانت وريتنى الحنان..
الحنان فى احلى نظرة ..وابتسلمة ..فى خيالى احلى ذكرى

بأشارة.. بلفتة عابرة.....شفت احبك
كنت خايف انت قايل الجميع عارفين ..محبك..
والعيون راصدانى لمن ابقى جمبك..
*******
انت ذكرى فيها انت..
فيها قلبى وفيها قلبك
انت ذكرى فيها انت...فيها قلبى وفيها قلبك..
فيها يوم المهرجان ..
احلى يوم ..احلى من عمر الزمان...

******
احتار انا ..احتار انا..

محمد الزبير محمد علي
19-Jul-2008, 01:17 PM
الموعد

الشاعر فضل الله محمد - غناء محمد الامين


أشوفك بكرة فى الموعد تصور روعة المشهد
أنوم الليل أنا لا يمكن أساهر و النجوم تشهد
وعدتك قبل كده مرات ولسه برؤيتك بحلم
مشاكل الدنيا تجبرنى أخالف وعدى و أتلوم
ولوتعرفنى تعرفنى كم بتعب بعيد عنك وأتألم
أضيع أتمنى لو أقدر وأقول ياريتنى اتعشم
أشوفك بكرة فى الموعد
ويا يوم بكرة ما تسرع تخفف لى نار وجدى
أطاوعك يا ارداة الحب وأسلم ليك ما عندى
أفضى ظروفى وأتفرغ وأبادر بكرة فى وعدى
حنانك شوفنى مستنى معاى أشواقى ما وحدى
أشووفك بكرة فى الموعد أمانة الصبر ما طيب
قدر مكتوب وكان لازم نحب نعشق ونجرب
وداعا يا ظلام الهم على أبوابنا ما تعتب
ومرحب يا صباح الحب تعال ما تبتعد قرب

محمد الزبير محمد علي
19-Jul-2008, 01:19 PM
الاحبة
غناء صلاح بن البادية


الاحبة بعد ولفو
مالم جارو و صدو وجفو

قلبي كان ثابت خففو
علموهو الريد واختفو
بالعذاب البي ما اكتفو
للمواعيد بقو يخلفو

الصغير يا الضامر الهاف
من عيون الناس ليك بخاف
اليشوفك من غير خلاف
داق سعادة الفي الكعبة طاف

يا ملاك انا قررت اتوب
اترك الحفلات والعود
يا الجدي المرعى الحقوب
ليك ياما كست الدروب

داير اتوب وارجعلك انا
اترك الحفلات والغنى
اجفى غيرك مهما دنا
يا ام نهيدا ما رضع جنا

يا حبيب ريدك من بدا
قلبي ليهو استسلم رضى
للهلاك روحي معرضا
يا جميل ليه تعمل كده

محمد الزبير محمد علي
19-Jul-2008, 01:27 PM
طه سليمان
قلبي البحب

قلبي البحب ياريتو ما
عرف الدرب ياريتو لا
جرب هواك لا اتشابا
ليك ولا تعب

~* ~*

كان فاكر انك مختلف
عمر الشقا وعندك وقف
ما قايلو نبع الريد بجف
وتتناسي للريد والولف


~* ~*

قلبي اللي قال داير يتوب
اغريتو بالوعد الكذوب
خليتو في ريدك يدوب
وتشبعت بيهو الدروب

~* ~*

قلبي اللي قال خلا الغرام
عيشني في راحة وسلام
ليه بي دروبك تاني هام
ورجعني للهم والوئام

~* ~*

قلبي اللي كان خلا الهوي
اضعفتو تاني بعد قوي
قربتو واخترته النوي
وكيف تمسك الدربين سوي

جراح القلوب
02-Aug-2008, 07:08 AM
العاطفة النبيلة



عليك ياحب تحياتى
عليك اوقفته غاياتى
لحبى اضحى بحياتى

احب الحب وايامو
وذكرياتو واحلامو
ومايوحيه الهامو

حياة الحب اسميها السعادة بكل معانيها
اقيف ليلاى اغنيها روح ياليل تعال ياليل

احب فى كل اوقاتى الاقى حبيبى يوماتى
اقيف ليهو يقول لى العهود بيناتنا مرعية

اقول ليهو تعال لى حبيب ريدى تعال لى
نجلس جلسة غزلية امتع فيك عينى
اشوفك وانسى آلامى اقول حققته احلامى

على تميل
عليك اميل عشان نميل سوا ياجميل
فيك امعنته نظراتى وجدتك كل مسراتى
وافراحى وملزاتى

احبك وانسى فيك زاتى
حبيبى غرامى تقديسك ويرتاح قلبى بى حديثك

حديثك شفى العليل
وحاتك يالصادق نبيل البيشبه حبى الاصيل
يكون جميل
وانا ياجميل اهوى الجميل يكون جميل

محمد الزبير محمد علي
03-Aug-2008, 10:24 PM
سلمت يداكـ
جرااح

الأغنية دي بالذاات إبدااع
وعلشان كداا بادي بيها أنا في البوست

احمد عثمان ابوعائشة
04-Aug-2008, 09:38 PM
صقر الجديان
السوداني الاصيل
محمد الزبير محمد علي
اختيارك للاغنيات غاية في الروعة
كلمات بطعم الشهد ورائحة الياسمين وعذوبة نيلنا الخالد
احي فيك روح الوطنية التي افتقدتاها في جيل ابناء المغتربين النأشئي بدول الخليج والذين أصبحت ثقافتهم خليجية بحتة .
يظهر انك طالع على عمك حسين في جانب الفن والتذوق والذي ابدع في زمانه لك الود وتقبل شكري

محمد الزبير محمد علي
02-Sep-2008, 09:37 PM
عمي وأبووي

خخخخخخخخخ

يسلموو عموو
على المروور

محمد الزبير محمد علي
21-Sep-2008, 07:33 PM
جمال الدنيا
محمد وردي - كمال محيسى

بشوف فى شخصك احلامى ودنيا تفيض بأنغامى
وسـحـر الدنيا فى عيونك
يـــبــعــــد عــــــنـى أوهـــامى
بـشـوف الكـون جميل وبديع مـر ايامى يبقى ربيع
احــب الــــدنـــيـا لـى حـبك
ويــســـعـــد حــــــبــك ايامى
ريـاض وزهـور عـلـى خـديـك بـديـعـة بتخلب الأنظار
تـزيـد فـوق الجـمـال الفيك
مـــعـــــالـم كــــــلـهـا اسرار
تـخــلـى الــدنــيا فى عــيـونى جــمال وكمل بيتجدد
امـــل بـــــســـــام بــيـحـدونى
اغـــــــنــى لـــــــيـــــك واتـــودد
ولحتى الغالى اهدى إليك
وانـبــت فى الـوجــود ازهار
يا حبيبى الدنيا ما احلاها بديعة وحلوة بين إيديك
فهل أيامى تنساها وتسلاها
إذا مـا غـــبــــت عـــن عـــينيك
هــويــتك صـرت ولهانك عشقت الدنيا دى علشانك
كــتــيــر جــــــددت ذكراها
كتير غنيت من شوقى إليك

محمد الزبير محمد علي
22-Sep-2008, 07:53 PM
صدقني ما بقدر أعيد

من بدري خليتك أنا
نسيت عشرة كم سنه
ما إنت ضيعت الهنا
وكل السعاده العندنا
كتبت لي ريدنا الفنا ....وبقت النهايه المحزنه.
أعذزني ما بقدر أعيد،،
رحلة عذاب دابه انتهت كيف تاني ترجع من جديد!!
صدقني ما بقدر أعيد.... أعذزني ما بقدر أعيد،،
اللليله بتقول نبتدي ،،ولازم أنا أنسى الحصل بعدين أجي....
يشفع عمرنا وينتشي...إنت فاكر حبي ليك لسه أبدي..
أنا حبي ليك بدري انتهى وزي الماكان بيناتنا شي..
أعذزني ما بقدر أعيد،، صدقني ما بقدر أعيد،،
من عمري أديتك كتير ،،أخلصت ليك في كل شي..
والغيره كم فرقت زهور طريقها كان مخضر نضير..
صدقني ما بقدر أعيد.... أعذزني ما بقدر أعيد،،
صدقني ما بقدر أعيد قصة غرام والشوق غنا

رحلة عذاب دابه انتهت كيف تاني ترجع من جديد!!

محمد الزبير محمد علي
22-Sep-2008, 07:54 PM
زعلانة ولا شنو الحصل

رسلتا ليك أجمل خطاب للليلة ردك ما وصل
زعلانة ولا شنو الحصل
شهرين مضت تالت الشهور روٌح خلاص عددو اكتمل
أنا في رجاك ما جاني رد رابع الشهور ما محتمل
أنا عندي ظن ساعي البريد شما العبير عجبو الكلام نايم عمل
شاف الحروف مليانة ريد خلاني أحكي ليه النعل
زعلانة ولا شنو الحصل
أجمل هدية من البلد قولة سلام من الأهل
تنزل تهب مثل الدعاش زي كان جفاف والفيث نزل
شرحت ليك حال الغريب كيفن بعاني من الهمل
وضحتا ليك كيفن هجير الوحدة قاسي
وكم بحن لي نسمة من دار الأهل
زعلانة ولا شنو الحصل

محمد الزبير محمد علي
22-Sep-2008, 07:58 PM
أنت حكمة

أنت حكمة أنت آية ولا إنسان
أنت صاحي ولا نايم
ولا طرفك من طبعو نعسان
أنت راحي أنت روحي أنت انسان
عيني يا صاحي وأنت أحسان
انت نادى انت هادى وأنت ميسان
انت ظافر انت ضافر أسود وفرسان
انت شادن انت لادن انت فتان
انت ضامر انت سامر انت هتان
انت نادر انت ناضر انت بستان
انت صافى انت نافى زور وبهتان
يا حياتى يا مماتى هاك سطران
الصبابة ومر عذابها وقلبى اقران
وانت ساهى انت لاهى انت بطران
يا صفائى يا وفاى هاك برهان
عن غرامى وطول هيامى السابنى ولهان
عز قربك أما بعدك ماله لى هان
قلبى خافق هل توافق قدرى ينهان
يا حبيبى كن طبيبى أمرى حيران
طول نهارى ثم ليلى ساهى سهران
طال عذابى وصاح غرابى جوى عكران
دمعى هامى وشوقى نامى وفرشى نيران
أنت حالى انت عالى انت سلطان
أنت ساطع وانا ساجع بى غناك طان
طال أنينى وفاق حنينى الحان لأوطان
واليلومنى فى هواك يا سيدى غلطان

محمد الزبير محمد علي
22-Sep-2008, 07:59 PM
نجوم الليل

نجوم الليل أشهدي على لوعتي و تسهدي على بكاي و تنهدي

من ليه حسن الكون هدي النافر الجافي الصديق
يا عيني يوم تشاهدي أغري السلام و استشهدي

يا عيني دمعك بـــندي و قــــول العوازل بنــدي
أنا لي غـــــرام يا معاندي في زهره الخد النـــدي

يا عيني ابقي ترصدي عسى توجدي ما تقصدي
مهما جرح قلبي الصديق هو برضو غاية مقصدي
قمر الحمـــاني تهجــــدي تركني فـــاقد مهجــتي
آه من صفارو العسجدي عيني المتل عين الجدي

يا من خــرقت عوائدي
و نظمت فيــك قصائدي
لو عمري شيء في يدي
لوهبت ليك يا ســـــيدي

محمد الزبير محمد علي
22-Sep-2008, 08:04 PM
أظنك عرفتى
عواصفك مهبـّى
أبارى فى خيالك .. يسوقنى ويودّى
ونهرك يعدى
ويجهل مصبّى
هواجسى البتزرع
وظنـّى البربى
****
لقيتك خواطر
بتصحى .. وتساور
وطيفك يزاور
وروحك تحاور
وروحك تحاور
موشـّح أساور
أقول بس نسيتك
وجرحك .. يتاوِر
****
أظنك عرفتى عذاب المغنى
وطبلو المجدّع
شظايا التمنى
حروفو البتجزع
فى لحظة تجنى
خطاهو البتهرع
متين تطمئنى
****
مسرِّج خيالك .. حصانى القبيل
معربد غبارو
وخلّى الصهيل
مسافر .. مسافر .. وفاقِد دليل
أظنـِّك عرفتى ..

محمد الزبير محمد علي
28-Sep-2008, 09:39 PM
عشرة الايام

عشرة الايام ما بصح تنساها
كانه ما حبيتك وكأنه ما عشناها
وضمانا أحلى غرام .....
ليه تجفا دون اسباب ... من غير عتاب او لوم
اخترت غيرى صحاب ... واصبحت قاسى ظلوم
هان ليك فراقى خلاص ... وانا برضى حولك احوم
كان عهدى بيك ترعاه ... واجمـل صلاتنا تدوم ...
آمـل المحبة سـلام ....
بعــدك أمانى هواى ... بعـدك جنيته عـدم
ولا عرفـت صديق ... لى قلبى غير الهـم
كم غيرى يشدو سعيد ... وانا في هواك مغرم
ورينى ايه ضراك ... لو كان صبرت شوية
واسلم من الأوهام
ما كان فراقنا المر ... فى بيتى أو فى يدى
لكن ظروفك أبت ... وقست ظروفى على
واتلاشت الأحلام ... وين حسن ظنك بى
ورينى إيه صداك ... لو كان صبرت شويه
عمر السنين أيام

محمد الزبير محمد علي
28-Sep-2008, 09:42 PM
متين يا علي

ماهو الفافنوس ماهو الغليد البوص ..

ود المك عريس خيلاً بجن عرقوس ..

احي على سيفهُ اليحت الروس ...

يا جرعة عقود السم ..
يا مقنع بنات جعل العزاز من جم ..

الخيل عركس ماقال عدادن كم ..

فرتاك حافلن ملاي سروجن دم ...

متين يا على تكبر تشيل حملي ..
اياك على الخلاك أبوي دخري ..
للجار والقريب الكان أبوك بدي ..
للغني و الفقير الكان أبوك بِحَجِي ..
للقوي و الضعيف الكان أبوك بحمي ..
لا تعاين الوجوه ...

ضربك دشر سوي ..
سيفك في غضاريف الرجال اروي ..

مادايرالك الميته ام رماداً شح ..
دايراك يوم لقي بدميك تتوشح ..
الميت مسولب و العجاج يكتح ..

إن وردن بجيك في أول الواردات .
مرنا مو نشيط إن قبلن شاردات .
أسد بيشه المكرمد قمزاته متطابقات
وبرضع في ضرايع العنز الفاردات
كوفيتك الخوذة أم عصي بولاد .
ودرعك في أم لهيب زي الشمس وقاد
وسيفك من سقايته إستعجب الحداد
وقارحك غير شكال بقربه الشداد

محمد الزبير محمد علي
28-Sep-2008, 09:45 PM
أمي

أمى .. الله يسلمك
ويديكى لى طول العمر..
وفى الدنيا يوم ما يألمك ..
امى .. الله يسلمك ..
* * *
أمى يا دار السلام
يا حصنى لو جار الزمان ،
ختيتى فى قلبى اليقين
يا مطمنانى .. بطمنك
أمى .. الله يسلمك
***
خيرك على بالحيل كتير ،
يا مرضعانى الطيبة بالصبر الجميل ،
ياسعد أيامى وهناى
لو درتى قلبى ، أسلمك.
أمى .. الله يسلمك
***
أنا مهما أفصح عن مشاعرى
برضو بيخونى الكلام
وقولة ( بحبك )
ما بتكفى وكل كلمات الغرام
يا منتهى الريد ومبتداه ..
يا الليا .. الله يسلمك ..
ويديكى لى طول العمر
وفى الدنيا يوم ما يألمك ..
أمى .. الله يسلمك ..

محمد الزبير محمد علي
28-Sep-2008, 09:47 PM
قلبى مالو اليوم

قلبى مالو اليوم من جسمى فرا وراح

دمته يامحبوبى ودامت الافراح

&&&&&&

يا المارأينا جمالك فى عجم وفصاح

شلت عنى الشارى بى غرامك صاح

الشغل افكارنا قول لي ده ايه ياصاح

نحنا هل جنينا ام عقولنا نصاح

&&&&&&

مالو جرح الليل دوبنى فى الاشراح

النسيم من قبلك هب زي الراح

ياطبيب انا سالك قول لي بكل صراح

النسيم يشفينى ام يزيدنى جراح

محمد الزبير محمد علي
28-Sep-2008, 09:53 PM
انت مافي

اي حاجة بتبقى مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي

انت مافي الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانت مافي

انت مافي منو البسالم
ويبقى من الامو سالم
الزمن يصبح مظالم
والحنين يبقى ظالم
وتمسح الأحزان عوالم
تفتح الاحزان عوالم
وانت مافي

انت مافي الناس تغيب
والحبيب ينسى الحبيب
الدمع يصبح قريب
والطبيب ما ببقى طيب
كيف يكون في الدنيا طيب
وانت مافي

محمد الزبير محمد علي
28-Sep-2008, 09:56 PM
كلك حلو ,,

كلك كلك كلك حلو....
إنت الجمال في كل معنى تكملو..
كلك كلك كلك حلو....
أعشق رؤياك وانوار صباك
لكن جفاك والله ما بتحملو....
كلك كلك كلك حلو....
يابدر سامي مثل الصباح
فيك الحسان إتمثلو.....
كلك كلك كلك حلو....
بالرقه والطبع السماح
خليت مشاعري يتبدلو...
كلك كلك كلك حلو....
إنت في سماك قلبي إصطفاك
طالب رضاك قول لي كيفن أوصلو....
كلك كلك كلك حلو....
لو قلت ليك و الله غيرك مافي زول
شال نوم عيونا وقللو....
كلك كلك كلك حلو....
حتى العناد فيك نقبلو
ياالراااااااقي يالطبعك حلو....
كلك كلك كلك حلو....
لأنك ملاك خلقوك براك
وانت في علاك ماتنسى ريدي وتجهلو....
كلك كلك كلك حلو....
مشتاق كتير أنا يا أمير
لهمسك الناجي الحلو......
كلك كلك كلك حلو....
بالضحكه والفرح الكان
قبال زمانا يغيرو.....
كلك كلك كلك حلو....
أنا في رجاك روحي وهواك عهدي المعاك تاني المحال اتحول

محمد الزبير محمد علي
28-Sep-2008, 09:58 PM
ايامنا في الفؤاد ذكراها
ايامنا حبي كيف ننساها
ايامنا ما بنحن لسواها
ايامنا للممات نطراها

يا النسيت ايامنا
ايامنا
عشنا فيها غرامنا ايامنا
عشنا فيها غرامنا ايامنا

ايامنا في الفؤاد الجوة
ايامنا كنا دايما سوة
ايامنا يا ام جبيناًضوا
ايامنا يالنسيت الخوة

يا النسيت ايامنا
ايامنا
عشنا فيها غرامنا ايامنا
عشنا فيها غرامنا ايامنا

ايامنا يالنسيت يا حليلها
ايامنا دي الجميله جميله
ايامنا قم نهارها و ليلها
ايامنا كم مشيت ليقيلها

يا النسيت ايامنا
ايامنا
عشنا فيها غرامنا ايامنا
عشنا فيها غرامنا ايامنا

ايامنا في الجزيرة العايمة
ايامناوالليالي الحالمة
ايامنا و العوازل نايمة
ايامنا و المحبة الدايمة

محمد الزبير محمد علي
28-Sep-2008, 10:02 PM
هواك وهواى بى جاروا وسبن أفكارى نظراتك

أحب تعطف تزيل وجدى واحب كل البحب ذاتك

بحب لونك بحب لونك بحب يا حبى نفحاتك

بحب فى خدك الزهرة وبخاف ترمينى لمحاتك

أخاف صدك بخاف جورك واحب تتهنى بحياتك

بحبك حبى للعافية وكمان يا سيدى وحياتك

بحب فيك الحيا الفطرى ويذوب من حالى صيحاتك

إذا فى حبكم ضعت واذا أُقبر فى ساحاتك

أكون للحظ دوام شاكر وأقبل أنت راحاتك

أحب أنظر جمال محياك وأخاف تسحرنى بسماتك

وأخاف لحظك يجرحنى واحب تسكرنى بسماتك

وأحب طيفك يأنسنى واحب تسمعنى نغماتك

وأخاف هجرك يطول بى و أخاف تحرمنى كلماتك

منعم يا فريد عصرك سعيد وسعيده ساعاتك

مكمل يا نزيه صافى وعفافك فطرى مافاتك

وديع وبديع مثال رقة حشيم والريم هوى صفاتك

أٍرت فؤادى يا ضامر ودمعى خضاب فى كفاتك

زيد يا دمعى فى سيلك وزيد يا صدرى زفراتك

حبيبك ودعك راحل زيد يا طرفى عبراتك

حمام الأيك حن مره تعال أسمعنى نبراتك

طربت أم در مقر أملى زمان كفاى عباراتك

محمد الزبير محمد علي
28-Sep-2008, 10:05 PM
الطـيــــــــور

والله نحنّ مع الطيور..

الما بتعرف ليها خرطة

ولا فى إيدا جواز سفر

نمشى فى كل المدائن

نبنى عشنا بالغناوى

.. وننثر الأفراح .. درر

والربيع يسكن جوارنا

والسنابل تملا دارنا

والرياحين .. والمطر

*********

والحبيبة تغنى لينا

لا هموم تسكن دروبنا

.. ولا يلاقينا الخطر

*********

إلاّ باكر يا حليوة

لمـّا أولادنا السمر

يبقوا أفراحنا البنمسح بيها .. أحزان الزمن

نمشى فى كل الدروب الواسعة .. ديك

والرواكيب الصغيرة .. تبقى أكبر من مدن

إيدى فى إيدك نغنى

والله نحنّ .. مع الطيور

الما بتعرف ليها خرطة

ولا فى إيدا جواز سفر

محمد الزبير محمد علي
28-Sep-2008, 10:08 PM
ارويني

عثمان حسين

ارويني ارويني من ريدك ارويني

ارويني من طهر غرامك
خليني عايش بحنانك
رسل على البعد سلامك
لو درت افراحي تجيني

حلفت يا نعيمي احبك
وادااري الامي في حبك
لو طالت اشواقي وبعدك
الزكرى منك تكفيني

اسبابي ايه انا تظلمني
ويهون عذابي وتهجرني
كلمني عاتبني لومني
امكن تسامح تعفيني

صدقني انا عهدي راعيتو
لا يوم نقضتو ولا نسيتو
انت لو حبي سليتو
ما تنسى سؤلي وحنيني

محمد الزبير محمد علي
28-Sep-2008, 10:09 PM
غلطة

عثمان حسين

ليه تقول أيامنا راحت وانتهينا
ياحبيبي ولا كانت ديك سحابة
لو حصل في العمر مرة وافترقنا
هي غلطة ونحن نتحمل عذابها
*****
كنت عايش كل أيامك محنة
وانا بحرق كل عمري .. في الصبابة
ياحبيبي ليه حياتنا ما تبقى جنة
ننسى ظلم الدنيا ناخد من شبابها
نبعد الشك من قلوبنا .. والمظنة
نمشي في درب الأماني المستطابة
*****
لست أدري هل عذابي أم عذابك كان أكثر
حين شق الدهر بينا والفراق المر أجبر ..
فلماذا كنت تخشى ماضي المسير
*****
كل واحد ليهو في تاريخه ماضي
أي ماضي وليهو ذكرى حب قديمة
وأنت عارف لما أخترتك حبيبي
كان في قلبي جرح ينزف بالهزيمة
لكن إنت صرت أغلى حب عندي ...
****
وكنت راضي معاي بظروفي الأليمة
وكنت راضي بالشقا البتبع خطاي
والمآسي المرة في طفولتي اليتيمة
******
ليه ماتصبر .. ونتحمل يا حبيبي
بكرة تلقى الدنيا بي خيرها .. ونعيما

محمد الزبير محمد علي
28-Sep-2008, 10:12 PM
اغريتيني

عثمان حسين


انا مالي والهوى
يا ربيعي ودنيا ازهاري
ووجدي ووحدتي وناري
اغني ليلي ونهاري
وفرحان بانشغال بالي

عيونو الحلوة الهامي
نعيمي وسعد ايامي
ملك صحوي واحلامي
واصبح حالي زي حالي

سالت عليه ما اتكلم
لا رد علي لا سلم
ظلمني جاني اتظلم
سلاني وقال انا الظالم

بكل جوارحي اهواهو
احب الدنيا لهواهو
افكر مرة انساهو
واعيد من تاني امالي

محمد الزبير محمد علي
28-Sep-2008, 10:16 PM
ليه حياتنا اخترت غيرا

كلمات الشاعر حسن الزبير
غناء/ الرائع الطيب مدثر

ليه حياتنا اخترت غيرها
فيها أحلامنا وكلامنا
فيها حاجتنا الصغيرة
كيف تغطي الصورة صورة
ريدنا داك يا سيدي كلو يبقى ماضيك بالضرورة

ايه لقيت فيهو الجديد
ريدتو من حاجات بقولا
او ليك قرب اماني بينا ما قادر تطولا
هل قدر يكسر غرورك
هل هو في الاحلام بزورك
هل هو بالجد بيعرف لعبة الريد واصولا
هل صحيح راقي ومهندم
هل ببكي الريد عيونو
هل عرفتو ما بتندم
في الليالي القاسي طولا

الف مبروك يا مخير
انت بتبيع المشاعر
البصر دون البصائر
والاصل ما ببقى صورة

محمد الزبير محمد علي
28-Sep-2008, 10:21 PM
حاجه امنه

غناء عقد الجلاد

حاجه امنه اتصبرى عارف الوجع في الجوف شديد

عارفك كمان ما بتقدرى

جاهلك شكى وجاهلك بكي

في بيتك المرق اتكي
والشي البحيِّــر وما بحيِّــر

مابيه ياحاجه الزكاة

طلع الصباح لو ليك مراد
ياحاجه ما تطلع شمس
والليله عندك زى امس

لسه الرويدى مع الصباح
يا حاجه ماجاب ليك خبر
كان جوفو زى جوف العيال

من مده داير ليه حجر
والله على الزمن الحجر
المابي بالصبر اتكرى

ومشيتي لي برج الحمام
برجك صفيحتين ما بزيد
ومشيتي لي برج الحمام
كان تلقي ليك جوزاً جديد
يمكن بعد طلع الصباح
يغشاكي زولاً يشترى

هبشتي جاى فتشتي جاى
كان تلقي سكر بس محال
باقى الرطيل الفي الكرت

ياحاجه سفوه العيال
ياحليل زمان وسنين زمان
ياحاجه لو تتذكرى

وسمعتي صوت جاك من بعيد وبعد قليل بابك ضرب
وسمعتي صوت جاك من بعيد شالك تعب ختاك تعب

ياحاجه ناس المويه جوك.. اصلو الشهر روح جرى

بعد صراع وصراع طويل
ياحاجه بينك والمحال
مالقيتي في داك النهار
شيتا يجو و ياكلو العيال
حبة عدس مابسوى شي
وينو البصل وينو اللحم
حبة عجين مابسوى شي
وينو الدقيق وينو الفحم
من جاى لجاى فتشتي جاى هبشتي جاى
لازمك كتير تتقدرى
ويا حاجه امنه اتصبري

محمد الزبير محمد علي
28-Sep-2008, 10:22 PM
الأهليـــــــــــــة

غناء عقد الجلاد


الأهلية كملت يا حبيب راحت
يا حليل شمس المحنة الغرَّبت طاحت

بسم الله إبتديت متل البرق لاحت
في الشين والفسل بقينا نتباحت
طال الكان قصيِّر والعالي إتاحت
والصولات حليلِن مَلَكَتِنْ راحت

مالك يا زمان شبَّعتنا هوله
لبَّست الناس تياباً حاشا مِي هولا
يات من كان يجي دمَّاعو مبهوله
والــ لله راحت لقت البواجهوله

مالك يا زمان شبَّعتنا وِح ووحيح
صِح الدون كِضِب .. كِضْب العوالي صحيح
يات من كان أنا جعلتو ليَّ صليح
عقرب حزَّ ليَّ يا نفسي زين ومليح

في حِوال الزمن صار الفِكِر حاير
والياباك خلُّو عندو شِن داير
فوق أهل الفِكِر كاس الوحيح داير
لفت سوق النفاق سوق السمِح باير

تُب الشباب إن بقى كوَّاس
تُب الصبي إن قطع المروة خلاص
تُب الشايب إن بقى وسواس
تُب الأقربين الإتفاتتو الأنفاس

محمد الزبير محمد علي
28-Sep-2008, 10:36 PM
أفكر فيهو وأتامل

أفكر فيه وأتأمل
أراه إتجلى وإتجمل
هلالى الهل واتكمل
تفاصيل قولى والمجمل
سأصبر ياخى إيه أعمل
إذا قلب الفتى إتحمل
مصايب الدهر وآلامه
أرى الصبر الجميل أجمل
حديثى ودمعى إتسلسل
فصول فى رواية تتمثل
أبين فى مواقف أستبسل
وعند رؤيا الحبيب حالاً
أبين فى مواقف أتوسل
هواه بجسمى إتخلل
مجارى الدم إذا إتحلل
وقيع لى رضاه إتذلل
وما هماه يا سيدى
دا واحد أصلو بتدلل
ترك أفكارى تتضلل
وعذرو البيهو يتعلل
فما شرع الهوى حلل
لقانا نهار
ولا فى الليل اذا أليل
صريح قانون هواك خول
هلاكى وقلبى ما تحول
حقيقة وليس تتأول
صريع لحظات سيوف لحظك
وحالى ان شفتو تتهول
تذكر عهدنا الأول
صحى الأيام بتتدول
قريب يوم داك ما طول
مضت لحظات ويا حليلها
بقت أحلام وتتأول

محمد الزبير محمد علي
28-Sep-2008, 10:39 PM
مع السلامة ..وما تنسي لي ترسلي..
يسعدني إنك تذكريني وعني دايماً تسألي..

إتزكري الريدة الكتبنا حروفا بي أجمل وفا..
وأطري الحنان المني ليك ساعة جفا وساعة صفا ..
وإتزكري الريدة الزماااااااااااان بيناتنا أطري المعرفة ..

بوصيك انا لو أنتبهتي في يوم لي ذاتك ..
وسألتي عن الما أنقضي ..
ولقيتي في جواي أوصافي وصفاتك ..
أنا لسة ما سكت النغم في قلبي من فيض أغنياتك ..

علي أي حال إنشاء الله ما أخر وداع ..
عشم اللقاء بيك ما أنقضي لو مستطاع ..
أصلو الحياة بين الأمل والشوق صراع ..
لكني زورق حبي ليك يا غالية ما داير شراع

محمد الزبير محمد علي
28-Sep-2008, 10:43 PM
حبيبة عمرى


رائعة الحسين الحسن


حبيبة عمرى تفشى الخبر وذاع وعم القرى والحضر
وكنت اقمت عليه الحصون وخباته من فضول البشر
صنعت له من فؤادى المهاد ووسدته كبدى المنفطر
ومن نور عينى نسجت الدثار ووشيته بنفيس الدرر
ومن حوله كم شبكت الضلوع فنام غريرا شديد الحفر
وقدكنت اعلم ان العيون تقول الكثير المثير الخطرفعلمتها كيف تخفى الحنين توارية خلف ستار الحذر
فما همسته لاذن النسيم ولا وشوشته لضوء القمر
ولكن برغمى تفشى الخبر
ففى ذات يوم عليل النسيم كثير االغيوم قصير العمر
ذكرت مكانا عزيزا علىء وانت به وانا و الاخر
ذكرت حديسك ذاك الخجول وصوتك ينساب منه الخطر
تقولين ماذا؟ تقولي،!! ويحى وهل كنت افهم حرفا يمر
فصوتك كان يهدهد روحى ويحملنى بجناح اغر
يحلق بى حيث لا امنيات تخيب ولا كائنات تمر
وهومت حتى تبدى امامى ظلام رهيب كفيف البصر
وقفت عليه ادق الجدار فما لانا هونا ولم ينشطر
وعدت تذكرت ان هواكى حرام على قلبى المنكسر

محمد الزبير محمد علي
28-Sep-2008, 10:47 PM
ده ما سلامك

مجذوب أونسه

ده مـا سـلامك ولا الكـلام الكان زمان هسع كلامك
ولا يـعـنى نويت تسيبنا وفى الخريف تحرم غمامك

جيــنا بـعـــد الـفـرقـة نـســأل قـلنا نلقى محنه عندك
نحكى ليك عـن ليل شقانا وعن متاهات نجمو بعدك
نـحـن سـالــمــنــاك بـطـيـبـة وياما بكت عيونا ردك
ولـيــه زمـان أديـتـنا ريده وجيت حرمتنا تانى ودك
وقـلـبـنـا الـجـرحـتــا خاطرو برضو ما قادر ملامك

كـنـا قـايــلــيــن بــى ورانــا إنـت زيــنا طارى ديمه
وكـنـا قـايـلـيــن نـحـن عـنـدك زى عـيونك لينا قيمه
قـلــنـا تـتـلــقـــانــا إنـت والــزهــور تـحـضن نسيمه
إلا ريــدك تــاري روّح وعــدي فـات زي كل غيمه
جـيـــنا لـيــك بـالإبـتـســامـة إلا مـا لـقـيــنـا ابتسامك

جـيـــنا شـايــلـيـن لـيك فرحنا كان عشمنا تزيدو حبه
تطرى ناس فاقدين عيونك وبي وراك ما خلوا غربه
قـلـنــا نـنـسـى تـعـب سـفــرنـا بـى لـيالى معاك أحبه
جـيـــنا مـا لـقـيــنـا فـى عــونك ذكرى ساكت للمحبه
شـلـنــا شـوقـنــا رجـعــنا بيهـو ما ندمنا على سلامك

محمد الزبير محمد علي
28-Sep-2008, 10:49 PM
حـــلـــو الــعــيـون

كـلـمني يــا حـلو الـعيون
حـيـرني صـمتك يـا حـنون
ارقـنـي سـهـرني الـلـيالي
غـرقـني فـي بـحر الـظنون

~* ~*

ويــن الـعـبارات الـجـميلة
ورنــة الـحـب والـجمال
ويـنـن مـشـاوير الـعصاري
والـخـطى الـفوق الـرمال
ومـنظر الـنيل فـي الـغروب
يـنـادي لـيـكا يـقول تـعال
~* ~*

صـدقـني مـا بـحمل بـراك
مـا عـندي قـدرة علي الظنون
كـلـمني خــت الـلوم عـلي
بـرضى بـالكائن يـكون

~* ~*
انا بفرق كتير وبتحسب كل يوم يمر
بفرق كتير طعم الحلو لو يبقى مر
وتـفـوت ومـا تـرد الـسلام‏
وتـسيبني فـي وسـط الـزحام
لـو بـس تـخت الـلوم عـلي
أنـا بـرضى بـالكائن يـكون
كـلـمني يــا حـلو الـعيون

محمد الزبير محمد علي
28-Sep-2008, 10:50 PM
حبيبي انا عيان

مالو لو في بعض الاحيان
تسمح لي صحوا اراك عيان
زورني يا حبيبي انا عيان
تاخد يا حبيب عن حالي بيان
عسي تبقي قلوبنا في الغرام سيان
زورني يا حبيبي انا عيان
في الطيف او في الصحيان
زورني يا حبيبي انا عيان

~* ~*

يالفريد في حسنك وبهجة ام درمان
لي من شوفتك يا حبيبي زمان
زورني يا حبيبي انا عيان
ديمة اساهر ونوم عيني حرمان
وانت بينك دابت في نعيم وامان
زورني يا حبيبي انا عيان

~* ~*

ديمة اساهر لي صيحة الاذان
اناجي خيال اشعاري والنجم والاوزان
زورني يا حبيبي انا عيان
انت وين بحسنك وطنا مزان
امتي تظهر تكشف عني الاحزان
يا حبيبي انا عيان

محمد الزبير محمد علي
28-Sep-2008, 11:04 PM
يا رائـــع

يارائع جفيتني
وانا ضايع تعال لي

~* ~*
الخدو لال تعال لي
دقايق قلال تعال
معنى الدلال تعال لي
والحب حلال تعال لي

~* ~*
ناير الخدود تعال لي
سيب الصدود تعال لي
خلّيك ودود تعال لي
بجيك في الحدود تعال لي

~* ~*
الما شاف صروح تعال لي
أشفي الجروح تعال لي
أنا لي روح تعال لي
قبّـــال تروح تعال لي

~* ~*
منعني الجوى تعال لي
وشوفتك دوا تعال لي
عارف الهوى تعال لي
الأرواح سوا تعال لي
~* ~*

الفي الشروق تعال لي
أنا ما بروق تعال لي
أنا ما بروق تعال لي
وبس من بروق تعال لي

~* ~*
يا مزدهر تعال لي
زينة الدهر تعال لي
في شاطي النهر تعال لي
نعدّي البحر تعال لي

~* ~*
ظبي الحقول تعال لي
وسوّي الأصول تعال لي
زين الفصول تعال لي
يا الزرتا الرسول تعال لي

محمد الزبير محمد علي
02-Dec-2008, 01:08 PM
الليلة جاية

( للمبدع الرائع : المعتز صباحي )

قالو انتي الليلة جاية

جايبة بسماتك هدايا

شوفي كيف وجداني غنا

أحلا أشعاري وغنايا

شوفي كيف وجداني غنا

أحلا أشعاري وغنايا

كل دقة باب ونبضو

يرقص الشوق في الحنايا

أسرع الخطوات شوية

وافتح الباب بي عنايا

أسرع الخطوات شوية

وافتح الباب بي عنايا

ألقى انو الباب متيم .. قصدو يلعب بي هوايا

فجأة دق الباب حقيقة

والوعود صدقت معايا

فاح مع الأنسام عبيرك

عطرت كوني وسمايا

أصلي شايلك في سنيني

ياربيع فرحي وهنايا

أصلي شايلك في سنيني

ياربيع فرحي وهنايا

محمد الزبير محمد علي
12-Dec-2008, 11:29 PM
مدن عينيك
الشاعر : عبد القادر الكتيابي


لمحتك .. قلت بر أمن
بديت احلم ..
الملم قدرتي الباقية ..
واشد ساعد علي المجداف
تلوح لي .. مدن عينيك
وترفع لي ..منارة بسمتك سارية
وبديت احلم ..
كل ما الريح تطارد الموج
ازيد اصرار .. واحلف بيك
اغير سكة التيار..
واقول .. يا انتي .. يا أغرق
الوح لي مدن عينيك
تلوح لي ..
اخاف الضفة ترجع بيك
قبل الحق ..
اخاف .. غيم المني الشايل
تسوقو الريح ويتفرق
اخاف .. واخاف .. اخاف
واخـــــــــــاف

واشد ساعد علي المجداف
واجيك بي قدرتي الباقية
حطام انسان ..
موسم بي شقا الدنيا
ومقسم قلبو في الاحزان
اجيك فنـــــان ..
أشد اوتاري واحكيلك
حكاية انسان ..
وهب لي سكتك نفسو
ورسم صورتك علي حسو
وربط ساعد علي المجداف
وقــال .. يا أنتي ، يا اغرق
أخاف .. أخاف .. وأخاف
والاقيك يا اماني سراب
مواهبي عليهو تدفق
وأخاف ..
أخاف .. وأخــــاف..

محمد الزبير محمد علي
12-Dec-2008, 11:33 PM
@ايدينا ياولد@

ايدينا ياولد ايدينا للبلد
الغربه ان شاء الله تعقري ياتعدمي المال
الفقري يا تعدمي
الشيك الخضري والله شلتي العيال من بدري
والله شلتي
ايدينا ياولد ايدينا للبلد
كان اخويا اللبره جانا والله يصلح الحال معانا
والله يصلح الحال معانا شلنا الغربه المئخرانا
شلنا الغربه
ايدينا ياولد ايدينا للبلد
ننتج بي ايدينا والله نخلص العلينا شان
تشيل ام ريكا دينا نبني دارناوتبقه لينا
نبني دارنا
اخلاصنافي العمل ا خلاصنا في العمل
يسوقنا للامل
حكومه كان تنصلحي كات تعرفي عيشي
وملحي كان تشوفي
اللبي تزحي ماتباري القول تلحي كان
تعرفي
كان الحكوم صلح سودانا صار مليح
ايدينا ياولد ايدينا للبلد

محمد الزبير محمد علي
12-Dec-2008, 11:43 PM
حاول يخفي نفسه وهل يخفى القمر في سماه
أبداً لا وطبعاً لا شفناه شفناه
*******
حاول يخفي نفسه وغير اتجاهه
سطع النور في أفقه وكل إنسان رآه
خلنا البدر أشرق كامل في علاه
وخلنا الزهر فتح من أنفاس شذاه
******
جذاب حسنه رايع لادن خلقه مايع
رقص البان مشيه تحب تنظر وشيه
عيونك تختشيه من قوة ضياهو
ومن شدة حياهو
مرة إذا نظرته ونظره إليك رناه
قلبك ينشرح له وترتاح لي لقاه
دون تشعر تحبه وتلهج في ثناه
مرة تقول كبدر ومرة تقول كزهر
مرة تسمي شعري ومرة تعممي سحري
تقلب فيه أسما وبرضه تشوفه أسمى
كل وصف تراه أقل من مستواه
مترفع عظيم عالي بعيد مداه
ملأ العين جماله الزاهي رشح نداه
يلالي والكواكب تتناثر حداه
فيه الحسن أودع ما ملكت يداه
مفرح وشوفته تفرح
بتلقاك باسم كالزهر المنسق في زمن المواسم
تشوف في مقلتيه حياه دلاله تيه
واللحظ البجرح والوجد المبرح
أنا من دون أصرح
لي قلب اصطفاه وهسه هناك معاه

محمد الزبير محمد علي
12-Dec-2008, 11:45 PM
ست الودع شوفى شملى متين ينجمع ارمى ليّ
ارفعى ولمى الموقع ووصى قلبى اللبا يتقرع
حزرى وزيدى التورع بكلامك كان يقتنع
لسه براى الأوهام تبع وفى بحور الشوق مشرع
انا إن هديتو قلتو اتمنع فى الغرام يقعد يشرك
فى شريكك مابى ينضرع ولى وصال حبل مقطع
ليه يعجبك حالى البشع ويا قلب ضيعتنى وضع
باكى ساهر يجرى الدمع وما طفت قلبي المولع
حوضى فى حبك ينفرع ولا يوم بالعبره اتفقع
وجانا نازل عام متفدع ويرقص الرقصه ويبدع
وفيهو اتفنن ينوع ومرة يبطى ومرة يسرع
جرا توبوا لي اقصاه التبع فات صدروا مكان المدافع
عاد لينا حق ان كان نتخلع وننطقش لامن نوقع
عرسولك واسطة زرع وقفلوا المغالق بالشمع
بالنهار غفرك يجدع ومافى حاجه وبه ننصرع
وليك ابكم يوم ما سمع وماعرف شئ غير المنع
لا بينغش لا بينخدع وان رقد يرقد مكوع
كيف مثال زولاً ماقنع ونظروا فى شوفتك ما قنع
وللعشم فى ضيف ماطمع وحكمو كاتل زول فى الشرع

ضاوي حسن السني
13-Dec-2008, 07:32 AM
الابن محمد الزبير
تحية
لك الشكر والتقدير ، وأنت تثرى المنتدى بهذه الروائع ، وتنقل لنا قديم الحقيبة المعتق وجديد الحاضر المعبق .

سيف حلفا
13-Dec-2008, 08:19 AM
اتحفتنا بالروائع يا رائع
وفقك الله (بس مشكلتك هلالابي)
لك التحية ..........

محمد الزبير محمد علي
13-Dec-2008, 11:51 AM
يسلمووو
عم ضاوي
ويسلموو
أخ سيف
علىىى
المروور

وياسيف (( دي مامشكلة دي نعمة ))
ههههههههههههههههههههههههه

omer_bgc
15-Dec-2008, 07:43 PM
ياحنين زي عش العصفور
كلمات اسحق الحلنقي
الحان الدكتور أحمد المك
اداء عافيـــــــــــــــــــــة
يا حنين
زى عش العصفور معروش بالنور
كلوا محبة
يا الشلتا حلاة كل الحلوين ما سبتا وراكــ
زول يتحبا
يا حنييين

قلبى متين يرتاح
من بحر الريدة وأمواجها
والدمعة معاكــ تصبح شمعة
والزهرة كمان تلبس تاجا
لو شفت العين تتأمل فيك ما بتاخد من حزنك حاجة
وعينك فى الريد فينى مبين
يا يا حنيييييييييين
يا حنين بيك الليل ضوا
رقة وإحساس طيب وخوة
ولو تعرف اصل الرييييييييييييييد هو
لا سلطة بتحكموا
لا قوة
آآآآآه و آآآآآآآآآآآآآآآآآآآآآآآآآآآآآه
آآآآآآآآآآآآآآآآآآآآآآآآآآآآآه

منو الريد لما يصيبك يتغلغل فى الاعمااااااق جوة

ه
يا حنين لما تسيبنى تروح الدينا وراك تصبح آآه
تبقى الأيام غير الأيام ,,,والبهجة بتفقد معناها
أنا ليك بتقطر حنية بتمنى بسيمتك القاها
ألقاها متين أنا ما عارفة أنا ما عارفة
القاها متييييييييييييييييييييييييييين

محمد الزبير محمد علي
15-Dec-2008, 07:49 PM
يسلموووو
علىىىى
المشااركة

دمت متألقا

سيف حلفا
15-Dec-2008, 09:02 PM
ينصر دينك يا محمد الزبير
الاغنية دي نكتّها من وين ؟؟
الاغنية دي مطلعة روحي عدييييييل كدة
الحلنقى دا ما نصيح بالغ فيها عدييييل
وعافية حسن دي المالغة ذاتها ....
مشكور مثنى وثلاث ورباع .....

محمد الزبير محمد علي
15-Dec-2008, 09:16 PM
هههههههههه
والله
والله
والله
عندك قصة
مع الأغنية دي
أحكيهاا
ولازم كماان


وثانيااا
بطل
دوشاان
دي المنزلا
عمر ما
أنا
يسلمووو
علىىى
المرررور
العسل

سيف حلفا
15-Dec-2008, 09:30 PM
هاهاهاهاهاهاهاهاهاها
معليش اخي عمر
والله مما شفت الاغنية دي
حالي ما بقدر اوصفها
طوالي شفت رد ود الزبير
قلت الشقي دا هو المنزلها
ورايح كاتب طوالي ...
واكرر الاعتذار اخي عمر...
ود الزبير والله لقيتها ...
هاهاهاهاهاهاهاهاهاها

محمد الزبير محمد علي
15-Dec-2008, 10:31 PM
هاهاهاهاهاهاهاهاهاها

والله مما شفت الاغنية دي
حالي ما بقدر اوصفها
ود الزبير والله لقيتها ...
هاهاهاهاهاهاهاهاهاها



ههههههههههههههه
والله لاتعليق
هههههههههههههه
عليك الله
حكايتك
مع الأغنية
دي شنوو

omer_bgc
16-Dec-2008, 07:49 PM
والله الأغنية من كترت ما عاجباني يومي لمن أجي من الشغل بفتحها في اليوتيوب ...... وحقيقة عافية طريقة أداها للأغنية أدت الأغنية أبعاد أخري و ....... كفاية أظن لغاية هنا ... وأخي سيف حلفا الحقيقة إنت ماطشيت لأنو ود الزبير عودنا على الدرر دي ... وتسلم لينا وسؤال ود الزبير ما تزوغ منو ... أعيدو ليك للتوضيح حكايتك شنو مع الأغنية ولا مع العافية ما عارف ( الأخيرة دي ممكن تعتبرها زيادة مني ...

محمد الزبير محمد علي
16-Dec-2008, 08:26 PM
وأخي سيف حلفا الحقيقة إنت ماطشيت لأنو ود الزبير عودنا على الدرر دي ... وتسلم لينا وسؤال ود الزبير ما تزوغ منو ... أعيدو ليك للتوضيح حكايتك شنو مع الأغنية ولا مع العافية ما عارف ( الأخيرة دي ممكن تعتبرها زيادة مني ...



والله شكراا
علىى الإطرااء
وعلى توجيه السهم

يسلموو عمر حبيبناا

سيف حلفا
16-Dec-2008, 08:29 PM
الاخ عمر
لي مع هذه الاغنية ذكريات جميلة ويا لها من ذكريات ,,, لحدي هنا كفاية ,,, ( طبعاً ما مع عافية ) لكن لقيتكم ( حكّاكين ) بشكل ... دمتم تعطرون المنتدي بالروائع والدرر فإلي الامام .
لك التحية ...

محمد الزبير محمد علي
16-Dec-2008, 08:33 PM
بالأزرق
برضوو
يامريخابي


دمت متألقا
ظريفا
(هع)
كما أنت
يااغاالي

سيف حلفا
16-Dec-2008, 09:19 PM
قلنا نواسى الهلالاب عشان الليلة سجّلنا كلتشى ,,, هاهاهاهاهاها .
لك التحية ...

محمد الزبير محمد علي
17-Dec-2008, 12:11 AM
والله الزعيم
مابواسوهوو

حقوو
يواسوك
إنتاا
اللي
مابتعرف
تختار
فريق
كوورة

سيف حلفا
17-Dec-2008, 09:48 AM
عليك الله الليلة شاهد مباراة المريخ والوحدات الاردني عشان تقتنع براك ,,, ولن ازيد .
(انا خايفك تقلب ) ... لك الود ........

محمد الزبير محمد علي
18-Dec-2008, 11:42 AM
إستغفر الله العظيم
منو اللي بيقلب
داا

سيف حلفا
18-Dec-2008, 11:57 AM
تستغفر مالك انا قلت حاجة ساذة ؟؟؟؟

محمد الزبير محمد علي
18-Dec-2008, 12:04 PM
أقلب
شنو
أوعىى
تقول لي
مريخابي

سيف حلفا
21-Dec-2008, 12:45 PM
كـــــــــــــــــــــــــلمة
كلمات محمد يوسف موسي
اداء صلاح بن البادية

اعيش في ظلمة وانت صباحي
انت طبيبي وانا بموت بجراحي
بشعري رفعتك اسمي مكانة
يا الجازيتني بكسر جناحي
///////////////
عرفت الحب وفاء واخلاص
حنان ووداد عهود وسلام
عشت معاك ليالي جميلة
ليالي حنينة كالأنسام
كنت معايا ولسة معايا
في احلامي في الاوهام
تخاصمني عشان بس كلمة
ياما نظمت فيك كلام
////////////////////
تخاصمنى عشان بس كلمة
واحلي قصايدي نظتها فيك
نظمت في لونك اجمل اغاني
نظمت في شَعرك في عينيك
في بسماتك .. وفي نظراتك
في انفاسك ..... في خديك
دا كلو نسيتوا وما نسيت كلمة
في لحظة يأس انا قلتها ليك
/////////////////////
لو في الكلمة انا غلطان
ياما انت بديت وغلطتَ
ياما قلت كلام جرحني
ياما قلت وياما ياما قلتَ
كم ادميت بكلمة فؤادي
علشان خاطرك استحملتَ
عشان بهواك بشوفها رقيقة
كلمات جارحة بيها نطقتَ
/////////////////////
كلمتى المسّتْ غرورك
وفرقتنا يا حــــــــــــبيبي
مش خلاص كفرّتَ عنها
بتســــــهدي وبي نحيبي
دي اليالي المرة عشتها
وحدي في ناري وفي لهيبي
برضو ما رضيان تسامح
يا صباحي ويا طـــــــبيبى
////////////////////
اعيش في ظلمة وانت صباحي
انت طبيبي وانا بموت بجراحي
بشعري رفعتك اسمي مكانة
يا الجازيتني بكسر جناحــــي

omer_bgc
22-Dec-2008, 05:21 PM
الرائع دوما سيف....
قصيدة رائعة ... وكنت موفق حتى في إختيار لون الكتابة رغم مريخيتنا لكن بنقول الحقيقة بدون تعصب ولا ما كنا الصفوة ......... ( شفت الفرق بين جماهير الصفوة والوصيف)
دمت لنا ياسيف وأنت تعطر سماء المنتدى بالروائع ... ولك كل الود

سيف حلفا
22-Dec-2008, 08:05 PM
الاخ ابو عمير
اشكرك علي مرورك المميز وعلي الكلمات الرائعة .
وانا قصدت ان اكتب بالازرق عسى ولعل ود الزبير يظهر
والزول دا مختفي من يوم هزيمة الهلال من وفاق سطيف
يا عالم ورونا الحصل عليه شنو ؟؟؟

محمد الزبير محمد علي
24-Dec-2008, 09:02 PM
شنوو
أناا
بي
ظروووف
وحاشا
نختبئ
بي حاجات
زي كداا

محمد الزبير محمد علي
13-Apr-2009, 10:14 PM
غيب وتعال تلقانا نحنا يانا نحنا
بنفس الايادى الراجفه المشتاقه لى ساعة سلامك
ماغيرتنا الظروف ولا هزتنا محنه
كم بعنا فى الغرام واشترينا وغير هواك
ماربحنا وياحبابنا وياشبابنا وياربابنا
وياسمحنا تلقانا بنفس القلوب الطيبه
الديمه تطرب من كلامك
تلقانا بى نفس المشاعر الطيبه
الديمه تطرب من كلامك
تلقانا بى نفس القلوب الياما
حزنت لم فقدت ابتسامك
والله بعدك ياغالى لانغنينا لانشرحنا
وتعالينا تعالينا تعالينا
تعال ياانبل عواطف طافت الدار الحزينه
تعال لى نفوسنا انت يامنبع
عذاب وانت يامصدر انينه
تعالينا يانيل البواكى
الكانت بتطرب يازين يوم
تجينا بالخطى الواعده وتزينه
لانسيناك واسترحنا لا لقيناك وفرحنا
انت غيب وتعــــــــــــــــــــــــال
&&&&&&&&&

اديتك القلب المعذب قلت لى المو بتزيلو
يلقى فى وارف رموشك فرحتو ولحظات مقيلو
تبقى نور تبقى فجرو تمنع الدمعات يسيلو
وهسة لو داير تسيبو حتى باقى عمرى شيلو
بى محنة الزول بلوم دمعة فى الخدين بتجرى
كنت بامل انا فى سماحك الظروف فرقتنا بدرى
انت ماريدى ومناياكل لحظة بتضوى عمرى
وكنت دايرك يا حبيبى لو مره بى االامى تدرى
وهسة لو داير تسيبو حتى حتى باقى عمرى شيلو
فى نهاية لومى برضى بطمع تانى ترجع
كنت راجى الدنيا تبسم لينا بى افراحها ترجع
اصلى عارفك يامناياكل لحظه بتصبح اروع
وانت من طليت على طرفى ما اظن مره دمع

&&&&&&&&

انتى مامشتاقة لي ولا ماعارفة العلي
يعنى مامشتاقة لي ولا ماعارفة العلي
لو خلاص خليتى ريدى يكفينى خاتمك فى اييدى
مازمان قبال اسيبك فراقى كان صعب عليك
شلت جرحى وفت منك همى بس كان كيف اجيك
جيت بى شوق الدنيا كلو داير احس بى شوقى فيك
بس لقيت اللهفة راحت حتى عينيكى ما عينيك
مازمان قبال افارقك قلتى لى اوعك تطول
قلبى دايما فى رجاك المحال غيرك يبدل
عشت بعدك كلى ذكرى امسى بى طيفك واقيل
الليله قلبك لونسانى غير عيونك وين اقبل
شلت فرحى وجيت اسالمك قايلك انتى تحسى بى
انتى ما انتى الزمان لامن قليبك بالفرح يحضن اييدى
انتى ما انتى الزمان اصلى مامصدق عينى
داير افوت ياغاليه منك ابكى واحضن فى الاسيه

&&&&&&&&

ماخلاص قلبى اصبح من عذابك فى الاسى
وهجير شديد وجعاتو ماشافن مساء
يوم القى ابتسامتك ابتسامك والصباح
ويوم القى فى عمقى الجراح
والعطف منك ياسماح يتلاشى راح
عاد اقبل وين واحكى الوجعه
ياتو خديد اشيل الدمعه وياتو حنين يجيب الراح
اشيل كلماتك واسافر اذكر بسيماتك واساهر
خلى طيفك يبقى هاجر يخلينى فى مسحة حزن مابتنطرح
مازى وجيهك كل يوم يصبح سمح يموت جرح
وجيبى جرح وقليبى لامات لافرح
اقبل وين واحكى الوجعه ياتو خديد اشيل الدمعه وياتو حنين يجيب الراح

هسع خايف من فراقك لم يحصل ببقى كيف
زى ورد فى عز نداهو خوفو بكره يزورو الصيف
من عرفتك كنت حاسس الزمن لى مابصيبك
كنت رغم ريدى انى زى الماحبيبك
والحنان البينا ولف لانصيبى ولا نصيبك
والزمان عارف مصيرنا حقو لى ماكان يجيبك
والفرح فى دربى عارفو اصلو مابطول كتير
زى غمام فى سمايا عد وسابنى فى عز الهجير
كم فراش على وردة طلت اصلو ما قايلة بيطير
فات ورا شايل هنانا خوفى من نفس المصير
وحقو ياعينى توالفى الصبر قبال فراقه
وانتى عارفة الجاي بكره وبرضو تغرقى فى اشتياقة
كم عيون فى الريده غرقت والزمن من ريدها ساقها
ما كتير القلبو حبه ياما كم فى هواها لاقا
يازمن علمنى انسى المحال نسيان عيونها
حتى لو ايامى طالت ما اظنى اعيش بدونها
ما اظن ايامى تانى تانى زى حنانها تكون حنونه
انت خونى زمانى كلو اوعك يوم تخونها
يازمن علمنى انسى المحال نسيان عيونها

&&&&&&&&

فى زول هناك قولة سلام تبقالو روح
فى زول هناك فى عيونو زول بسماتو ابدا مابتروح
فى عيونو الصباح زى الوشاح يتقاطر سماح
زى البرق شايل المطرفى سمانا لاح
فى زول هناك يومو اللزور تظهر زهور ويضحك بدور
فى ليل ظلامنا الماصبوح
كلموهو وقولو ليهو حرفك بنور فى السطور
ويومو الليجى بملالينا كل الدنيا نور
يفرح القلب الصبور المن زمان مليان جروح

رائعة الفنان هاشم ميرغني

محمد الزبير محمد علي
13-Apr-2009, 10:22 PM
بتريد اللطام

بتريد اللطام اسد الكداد الزام
هزي البلد من اليمن للشام
سيفك للفقر قلام


ديم فى الدقر قال العمير مسيوم
القوى والضعيف من عينو طار النوم
الكفر النجوس ما بختوا من اللوم
حجرت الدرب خليت طيورو تحوم


الاسد النتر بى جيهة الابقار
لمولو الاورط شايلين سلاح النار
ود حبوبة قام ورتب الانصار
فى كتفية ديك كم شبعن صغار


الاعلان صدر واتلمت المخلوق
بى عينى بشوف اب رسوة طامح فوق
ان جات بالمراد واليمين مطلوق
ما كان بنشنق ود اب كريق فى السوق


الاعلان صدر واتلمت الحلال
نصبولو السلاح واتكرنف الخيال
قدر الله الحصل و الزمان ميال
منسول من ابوك ماك ود حرام دجال

محمد الزبير محمد علي
13-Apr-2009, 10:28 PM
مسامحك يا حبيبي
مسامحك يا حبيبي
مهما قسيت علي
قلبك عارفو ابيض وكلك حسن نية

وما خطرت لقلبي سلوى تحيدو عنك
ما ممكن اعاتبك وياخد خاطري منك
انا عارف خصامك وغضبك في كلامك
ما من جوة قلبك كله على لسانك
مسامحك يا حبيبي..

واسال عني طيفك وزكراك هم شهود
وياما اشتقت ليك ورجيتك لو تعود
وحشتني الابتسامة عيونك بي كلامها
تداري في اشياقها وتفضح لغرامها
مسامحك يا حبيبي..

سيان عندي عدلك وجورك عليا
تكابر او تداري حبك باقي لي
بترجع لي تاني وتسالي عن مكاني
تجدني زي ما كنت زايد في حناني
مسامحك يا حبيبي..

ظلموني القالو عني و غيرني البعاد
وحيات نور جمالك زاد البي زاد
واصبح شوقي اكتر حبك عندي اكبر
املي في هواك نامي ولسه اخضر
مسامحك يا حبيبي..

محمد الزبير محمد علي
19-Apr-2009, 11:26 PM
سوف ياتى

يا نديمى دعك من عثرات قول
واترع الكاس تناجى الكون مثلى
تظننى ابيد العمر لهوا لا لا كلا
اذ انا جسم به البركان يغلى
سوف ياتى باسم الثقر يلوح بالامانى
ضي عينيه بريق وغموض ومعاني
يحمل الروح اليا يزرع العطف نديا
يسكب الاهات همسا فى ثنايا اذنيا
وبها احيا وانسى ما ضنانى
حينما يبدو حبيبى فوق افق القلب يحبو
فوقه هالات نور بها الاضواء تخبو
واغاريد الامانى فى حنايايا تشب
مثل سريان الحقيقة فى مشاعرنا العميقة
مثل حلم الدهر ياتيك سريعا فى دقيقة
عندها أنسى كياني
عهده بالحب ايام ستكثر وتطول
ويح قلبى منك يا بدرى اذا حان الافول
قبل ان نحصد زرعا ماؤه قد كان دمعا
وتباريحا وشوقا وصدودا وامل
انما قلبى عنيد لا يبالى لا يمل
ينظم الحب اغانى
لا
لا
لا تسلنى
ضي عينيه بريق وغموض ومعاني

محمد الزبير محمد علي
19-Apr-2009, 11:29 PM
ياحاسدين غرامنا ياقاصدين خصامنا
شوفو غيرى وغير حبيبى
يادايرين تقولو وماقادرين تقولو
ايه عايزين تقولو فيا وفى حبيبى
قولو وقولو قال مهما تقولو قال
مارايحين تنالو منى ومن حبيبى
قلبين ضماهم غرام
اتنين دنياهم سلام
محال يحصل خصام
بينى وبين حبيبى
عهدى فيه وعهدو فيا
ريدى ليه وريدو لليا
اوصف فيه ويوصف فيا
نصبر كمان نصبر شويه
نشيل املنا نقابل اهلنا
يقولو اهلا خلاص قبلنا
يتم منانا يفرح املنا
ونعيش برانا نعيش فى جنه
لا يقولو قالو لا يقولو قلنا

محمد الزبير محمد علي
19-Apr-2009, 11:30 PM
همس الشوق
كلمات هاشم صديق .. غناء محمد الأمين

يا ريتنى لو أقدر أقول
فيكِ الكلام الما انْكتب
واجلى المقاطع بالدهب
وافرد صباح حُسنِك وشاح
يمسح عذاب عمرى المسطرّ باللهب
بريدك
كلمه كان رفّت
يِهش ثغر النجوم ويسطعَ
ولما ينادى همس الشوق
يقيف كل الزمن ويسمع
عيونك ديل عيون أهلى
حُنان زى نغمة فى مقطع
وطُهرِك تاج جواهرهُ العزه
وانتى العزه ليك تركع
بحبِك يا صباح العيد
ويا فَرَح العريس السار
واحِسّك فى سما الأزمان
شمس بِتضَوى للمشوار
زمان يا حلوه ساقنى الليل
وغِبْتَ وضعتَ فى الأسفار
ولّما لقيت عيونك ديل
بديت اعشق عيون الدار
وَحَاة ريدى اللى شاف طيفِك
كتير قُباّل يلاقى ويشوف
جراح الماضى بيك نامت
وغابت كلُ رعشة خوف
بحبك ومافى غيرك نور
يهِل ويغمرُ طريق الشوف
وما فى بَلَاك نور بِسْطَع
ولا فرحاً يسوقنى يطوف

محمد الزبير محمد علي
19-Apr-2009, 11:33 PM
حروف اسمِك

جمال الفال
وراحة البال
وهجعة زول بعد ترحال
وتنّية حلوة للشبال
ودنيتنا ومشاويرنا
وغنواتنا الى ما بتِنقال

حروف اسمِك
نجوم ركّت على الياسمين
فرح فى عين جمالها حزين
أساور فى إيدين طفلة
بتحفظ فى كتاب الدين
زَفَافَ عاشقين بعد فرقه
وسط باقات دُعَا الطيبين

حروف إسمِك
عقد منضوم بخيط النور
وطلة وردة من السور
ونغمة تنادى من طمبور
وشُعلة فرحة فى الوادى
تَشِع جَذلانه ليها شهور

حروف إسمِك
وَكِت أشتاق وأرحل ليك
وأسرح فى عسل عينيك
بِتَحضِنّىِ......
قَبُل ألمسَ حرير إيديك
تأرجِحنى..وتَفَرحنى..وتخلينى
أدُق سدرى
وأقيف وسط البلد واهتف
بريدك يا صَباح عمرى

محمد الزبير محمد علي
19-Apr-2009, 11:34 PM
اشتياق

من شوفتو طولنا
نهواهو مازلنا ..
نهواهو رغم الجور رغم الصدود عنا
يا قريب مني بعيد متى نهري بيك يجود
اراك وابقى سعيد وظلامي يبقى نور
بي قربك أتهنى ..
مشتاق ونار الشوق كيف ليها اقدر أطيق
كيف من همومي أفيق مدام وصالي عسير
بعيد عن الجنة
الليهو ديمة أحن
ليه بي وصالو يضن
النائي ليهو زمن أتمنى طيفو يدوم

محمد الزبير محمد علي
19-Apr-2009, 11:37 PM
ذاد الشجون

ماهو باين فى العيون وين حنهرب منو وين
الهوى البعث الليالى العامره بى ذاد الشجون
يفتح قلوبنا ديار محبه ديار محبه ديار حياه للعائدين
مابنقاوم وكيف حنقدر وين نهرب منو وين

مافتكرت الحظ يساعد عمرى يورق من جديد
من بعد فرقتنا ديك مين كان بيفتكرك تعود
كنت بحتاج ليك بشده وانت بعيد
مافى عيشه بلاك بتبقى ومافى نشوه ومافى ريد

ده الهوى الجنبك عرفتو عاطفه ملتهبه وجنون
ويـــن حنـــهـرب مـــنو ويــن

اه ادعينا وقلنا تانى ماحانشتاق فى عمرنا
وقبل ماتمر ليله واحده بحراره الشوق غمرنا
كم كم لهينا وقلنا يمكن ندفن الحب فى سهرنا
الحياة صعبة علينا وبى اثر فقدك شعرنا
شفت كيف حبك حياتنا انت يالحبك حياتنا

وكــيف بدون حــبك نكـون
وين حــنهــرب منو ويــــن

شفت كيف حبك بيعمل يشغل الوجدان ويعذب
اه وبرضو بتقول عنى خادعك وانى بتلاعب وبكذب
ليك حق دنياك خاليه لابتشيل هم لابتتعب
كنت تتعلم تجامل لو فؤادك مره جرب

انو مايدق دقه واحده الا ويتفجر حنين
يفتح قلوبنا ديار محبه ديار حياه للعائدين

محمد الزبير محمد علي
19-Apr-2009, 11:40 PM
الحــــــــب .. والظروف ..
كلمات: فضل الله محمد

قلنا ما ممكن تسافر
نحن حالفين بالمشاعر
لسه ما صدقنا انك بجلالك جيتنا زاير
السفر ملحوق ولازم انت تجبر بالخواطر

الغريبة الساعة جنبك تبدو أقصر من دقيقة
والدقيقة وإنت ما في مرة ما بنقدر نطيقها
دنيا بقربك يفرهد كل طائر يحيا فوقها
وجنة من بعدك بيذبل كل مخضر فيها ناضر

لو تسافر دون رضانا بنشقى نحن الدهر كله
ما بنضوق فى الدنيا متعة وكل زول غيرك نمله
أقل حاجة تخلي سفرك حتى لو إسبوع أقله
وإنت عارف نحن بعدك للصباح دايما نساهر

لا لا ما بنقبل نسيبك تمشي للوحدة وتعاني
برضو ما بنقدر نقاوم شوقنا من بعدك ثواني
وما بنغنى وراك كلمة وما بنشوف البهجة تاني
غايتو لو شفقان علينا ما أظنك يوم تسافر

محمد الزبير محمد علي
19-Apr-2009, 11:42 PM
بدور القلعة

السيوف ألحاظك تشهرا
للفؤاد المن بدرى انهرا
اخفى ريدتك مرة و اجهرا
نار غرامك ربك يقهرا
يا بدور القلعة و جوهرا

صيدة غيرك مين الجسرا
تستلم افكارنا و تأثرا
حال محاسنك مين الفسرا
يالثريا الفوق اهل الثرى
يا بدور القلعة و جوهرا

الصدير اعطافك فترا
النهيد باع فينا و اشترى
الشعر اقدامك سترا
رقيصيبو قلوبنا البعترا
يا بدور القلعة و جوهرا

عالى صدرك لى خصرك برى
فيه جوز رمان جلى البرا
الخطيبة و ردفك منبرا
يا بدور القلعة و جوهرا
جلسة يا ابو الحاج اتذكرا
و رنة الصفارة اتفكرا
وهبة بى مزيقتو اتحكرا
كم طرب افكارنا و اسكرا
يا بدور القلعة و جوهرا

العيون النوركن بجهرا
غير جمالكن مين السهرا
يا بدور القلعة و جوهرا

محمد الزبير محمد علي
19-Apr-2009, 11:45 PM
نرجسة


من طيف ملامح ياتو شئ
إنت الجمال أداك خواصه وكل شي
كل زول يشوفك ينتشي


وتلاقي فرح الدنيا كله على وشيه
يا أسمى آيات الكمال والرقة والذوق والفهم
يا مكمن السحر الحلال والضحكة والحس والنغم

يا فكرة بتجتاح الخيال تملاه بالخير والعشم
يا نشوة الفرح المحال تعرف قلوبنا معاه همّ
يا نرجسة

يا روعة الليل البهيج نام في العيون الناعسة
يا ضحكة الشوق المهيب نكتم مشاعره ونحبسها
يا كلمة بين شفتين حنان للمولى خشية بنهمسها


يرعاكي من شر العيون يحفظ محاسنك ويحرسها
من طيف ملامح ياتو شئ ....
انت الجمال اداك خواصه وكل شي

محمد الزبير محمد علي
19-Apr-2009, 11:47 PM
بعد الشر عليك

قالو متالم شوية ياخى بعد الشر عليك
النضاره الفى شبابك والطفولة الفى عينيك
والقلوب الحايمه حولك ياحلو بتتمنى ليك
بكره تشفى وبكره نفرح يا حبيب العمر بيك
ياخى بعد الشر عليك
انت ماشبه الدموع انت ماشبه العذاب
انت ماكلك عواطف انت ماكلك شباب
العمر عندك اسير والعمر غيرك سراب
ياخى بعد الشر عليك

محمد الزبير محمد علي
19-Apr-2009, 11:50 PM
داوي ناري
،،،
كلمات الشآعر :
إبراهيم ناجي

غناء زيدان ابراهيم
***

داوي ناري وإلتياعي
وتمهل في وداعي
يا حبيب الروح هب
لي بضع لحظات سراع
قف تأمل مغرب
العمر وإخفاء الشعاع
وأبكي جبار الليالي
هده طول الصراع
ما يهم الناس من
نجم على وشك الزماع
غاب من بعد
طلوعه وخبا بعد إلتماع
أه لو تقضي
الليالي لشتيت باجتماع
كم تمنيت وكم
من أمل مر الخداع
وقفة أقرأ فيها
لك أشعار الوداع
ساعة أغفل فيها
لك أجيال امتناع
يا مناجاتي وسري
وخيالي وابتداعي
تبعث السلوى وتنسي
الموت متروك القناع
دمعة الحزن التي
تسكبها فوق ذراعي
داوي ناري وإلتياعي
وتمهل في وداعي
يا حبيب الروح هب لي
بضع لحظات سراع

محمد الزبير محمد علي
19-Apr-2009, 11:52 PM
غناء زيدان

حنين ياليل
-----

حنـــين يا ليل.
يا ساتر عيون الناس
أهم فيك و أناجيك
وأسافر في بحورك ديك
لا بتعب من الإسفار
ولا بغشاني مرو نعاس
لأتي بغازل النجمة
غزل بقوافي منسجمة
وحجوة بصورة منتطمة
وبيها أدغدغ الإحساس

حنـــين يا ليل...يا
يا ساتر عيون الناس

براي سهران كمان زيك
بلاقي عزاي في ريدك
اقالد في النجوم وحدي
وأغني يا ليل مواويل
أصارع الموج والتيار
أغالب الدمعة ما تنهار
أسِــــر البسمة عشان
تضوي لي في المشـوار
حنـــــــــــــــــين يا ليل
يا حنــــــــــــيِـــــن
يا ساتر عيون النـــــــاس

محمد الزبير محمد علي
19-Apr-2009, 11:54 PM
غناء زيدان ابراهيم

هانت الايام عليك


هانت الأيام عليك
ولا هنت عليك أنا
وين حنانك يا حنين
وين عيونا من الهنا
عدت و راحت كم سنة

هانت الأيام عليك
و هان عليك حبي و ودادي
كل ما حاولت تبعد
كنت بجري عليك وأنادي
ليه تقول دايماً ظلمتك
وإنت ديما علي جاني

كنت بتقول لي بحبك
الليلة مالك ما بتقولا
كنت حاسي بعمري
جنبك حلوة لحظات و جميلة
الحجيم و الشوق ونارو
هي من حبك حصادي

محمد الزبير محمد علي
19-Apr-2009, 11:58 PM
غناء زيدان

لواحبك
----
لو أحبك أنا العمر كلو
برضو شاعر ما كفاني
انت فاكر للعواطف
ظاهرة في روحي وكياني
والمحبة البين ضلوعي
خالدة برويها بحناني
إن مساهر بالي فيها
وان نسيت كانت أماني
مشتريها بي شبابي
والشباب ما بجيني تاني

بين شفايفك ابتسامة
زي قمر ضوا في حياتي
وكل بسمة بتزيد شجوني
وما في زول يرحم شتاتي
لما تحكي الشوق عينيا
أو تعاتبك اغنياتي
كلمة حلوة من لساني
فيها أجمل ذكرياتي
بس بنظرة بترد عليا
ومن بعيد تلهم سكاتي

كن مجامل يا حبيبي
ويكفي انك تصطفيني
عشّي خاوي بالليالي
والنهار بشهد انيني
الضلام بكتب عليهو
بي حروف النور حنيني
والنجوم تشهد ضنايا
وتقرا فيك لمحة ضنيني
متين تعود أيام هنايا
وتاني ترجع تصطفيني

محمد الزبير محمد علي
20-Apr-2009, 12:08 AM
دنيا المحبة
~ ~ ~
في بعدك يا غالي أضناني الألم
وعشت مع الليالي لا حب لا نغم
وين يا نور عيوني كم طولنا كم

من لمسات حنانك خلاص تمينا دور
أيام مرة خالية من طعم السرور
كل ما غنى شادي دوبني الشعور
وأقول يا ريت حبيب لو في الطيف يزور

لو كان التمني بينفع كل حبيب
ما كان السعادة بقت قسمة ونصيب
ولا قلوبنا الحيارى مع الايام تشيب
ولا عاش قلبي تايه في حبك غريب

لا تسأل مشاعرك ليه عيني بكن
يوم ودعني حسنك ولازمني الشجن
باكر يا حبيبي يعلمك الزمن
ليه دنيا المحبة للعشاق وطن

محمد الزبير محمد علي
20-Apr-2009, 12:11 AM
انتي ما مشتاقة ليّ

غناء هاشم مرغني


انتى مامشتاقة لي ولا ماعارفة العلي
يعنى مامشتاقة لي ولا ماعارفة العلي
لو خلاص خليتى ريدى يكفينى خاتمك فى اييدى
مازمان قبال اسيبك فراقى كان صعب عليك
شلت جرحى وفت منك همى بس كان كيف اجيك
جيت بى شوق الدنيا كلو داير احس بى شوقى فيك
بس لقيت اللهفة راحت حتى عينيكى ما عينيك
مازمان قبال افارقك قلتى لى اوعك تطول
قلبى دايما فى رجاك المحال غيرك يبدل
عشت بعدك كلى ذكرى امسى بى طيفك واقيل
الليله قلبك لونسانى غير عيونك وين اقبل
شلت فرحى وجيت اسالمك قايلك انتى تحسى بى
انتى ما انتى الزمان لامن قليبك بالفرح يحضن اييدى
انتى ما انتى الزمان اصلى مامصدق عينى
داير افوت ياغاليه منك ابكى واحضن فى الاسيه

محمد الزبير محمد علي
20-Apr-2009, 12:19 AM
ابو عركي البخيت

بخــــــــــــاف

بخاف أسال عليك الناس بخاف أسال عليك الناس
وسر الريده بينا يذيع
بخاف أكثر كمان ياغالي من إيديّ إنت تضيع
وأعيش بعدك حياتي جفاف
آه مواسم ريده بينا مافي ربيع
بخاف يا إنت لوجيتك
ألملم في خطاوي الشوق وأزور بيتك
يقولو عليّ حبيتك
بخاف لوبرضي غبت عليك
تقول نسيت وجافيتك
بَهـِم لو صدفه لاقيتك
درب حِـِلـِّتنا جابك يومتشيل ياروحي ترمي اللوم عليّ وتزيد همومي هموم
تقول جافيك وأنا نسيتك ؟؟؟
أريت تعرف
حنيني إليك ياريتك كمان تعرف
لحد وين بعزك وفي أعماقي حسيتك
ياريت انت تعرف ياريت انت تعرف
وبس خايف إذا جيتك
حكاية الريده تمشي تذيع ومن إيديَّ إنت تضيع
وأعيش بعدك آه حياتي جفاف
مواسم ريده مافي ربيع

محمد الزبير محمد علي
20-Apr-2009, 12:24 AM
أمونة

أبو عركي البخيت

كل البنات أمونه ياخرطوم
معاي ساعة أفتح الدكان
معاي ساعة الدرب بالليل
معاي في البص علي أم درمان
وفي الكوبري الكبير في الليل
أعاين في البحر مهموم
ألاقي وجيها شاقي النيل
وفي ساعة التعب والخوف
تشيل خطواتي وأمشي عديل

دحين خاتي أكان يا يُمه
صبحت نفسي ساعة الكتمه
من ضيق الزمن والناس
وألقي دمي يفور
تمد إيدينا تمسح
في العصب والراس
أمانه كلاما كان رفرف
وكت ساعة الدرس ياخوي
يطير قلمي
ويزغرد سنـّو في الكراس

محمد الزبير محمد علي
22-Apr-2009, 01:43 AM
ما هو عارف ...
ماهو عارف قدمه المفارق
يا محط آمالي السلام
في سموم الصيف لاح له بارق
لم يزل يرتاد المشارق
كان مع الأحباب نجمه شارق

ماله والأفلاك في الظلام
يا دهر أهوالك تسارق

منها كم كم شابت مفارق
ما علينا الفات كله فارق
رقنا وله نعيد الملام

من حطامك أنا غصني وارق
في شن أبقيت للطوارق
غير قليبا في همومه غارق
ولسانا برده الكلام

ويح قلبي الما انفك خافق
فارق ام درمان باكي شافق
يا أم قبايل ما فيك منافق
سقي أرضك صوب الغمام

يا بلادي كم فيك حاذق
غير الهك ما أم رازق
من شعاره دخول المأزق
يتفاني وشرفك تمام

مسرح الغزلان في الحدايق
والشوارع الغر والمضايق
قول لي كيف أمسيت دمت رايق
دام بهاك مشمول بالنظان

مجلس اللذات في النمارق
والترف لا زال وصفه خارق
ضاري حسك فاح جانا مارق
وله قاطعو الريح ما هو لام

في يمين النيل حيث سابق
كنا فوق أعراف السوابق
الضريح الفاح طيبه عابق
السلام يا المهدي الامام

أين مني الودعته شاهق
باكي ناهد لسه مراهق
عيني ما بتشوف الا شاهق
أين وجه البدر التمام

أين مني الفي زهوه باسق
في شبابه نقي من مفاسق
بين ثيابه البيض المناسق
حولك اشبه رتل الحمام

يا بريد الجو فوقي حالق
ميل علي الروح ليها خالق
عدت سالم قول وأنت عالق
مقرن النيلين كيلو كام

الحبايب لفتوا الخلايق
بيني وبينهم قطعوا العلايق
ان دلال ان تيه كله لا يق
نحن ما مجينا الخصام

يا جميل يا نور الشقايق
أملأ كأسك واصبر دقايق
مجلسك مفهوم شوفه رايق
عقده ناقص زول ولا تام

من فتيح للخور للمغالق
من علايل ابروف للمزالق
قدله يا مولاي خافي حالق
بالطريق الشاقه الترام

ما يئسنا الخير عوده سايق
الحي يعود ان أتي دونه عايق
الي يوم اللقا وانت رايق
السلام يا وطني السلام

محمد الزبير محمد علي
22-Apr-2009, 01:45 AM
الشاغلين فؤادي .. وفايقين تائهين

يكفي البي زارف .. دمعا ما يقيف

تالي القبلي شايف .. لي برقاً لمع

والصيد في الخمايل .. ياناس إجتمع

قوموا ياأعزة .. نسترق السمع

ما بطيق القعدة .. والمها اجتمع

ديل احبابي ليّ .. يا مولاي قدروا

انسلبت لحومي .. وأعضاي خدروا

لاموني العوازل .. وبحالي اذدروا

هم سايقين دلالهن .. تايهين ما دروا

سامرت الكواكب .. لما الفجر لاح

منادي الفجر نادى .. وقال ياأهل الصلاح

صلوا الوقت حاضر .. قاموا أهل الصلاح

وأنا الليل قايمه .. لخيال ليّ لاح

البلابل ناحن .. في الليل الهجيع

سهرانات عيونن .. مابيات الضجيع

من الحالة ديكي .. أخير لي النجيع

واحسرة شبابي .. الما لقيت لي وجيع

محمد الزبير محمد علي
22-Apr-2009, 01:49 AM
عم عبد الرحيم

مصطفى سيد احمد


فتاح يا عليم .. رزاق يا كريم ..
صلى على عجل ..
همهم .. همهمة ..
حصن للعباد ... وهوزز سبحتو
ودنقر للتراب .. هم فوق همهمة ..
صنقع للسما ..
وكان في الجو في غيم ..
وكم نجمات بُعاد ..
وكان الدنيا صيف ..
لا قالتلو كيف ..
كيف أصبحت كيف ..
لا لمسة حنان .. لا لمسة وداد ..
لا رمشة طريف من قلباً وفي ..
زي أيام زمان ..
أيام الدفي ..
وكانت ماها في .. كانت في المراح ..
شدتلو الحمار ..
تحلب في الغنم لي شاي الصباح ..
والطير ما نضم ... ما رسل نغم ..

عم عبد الرحيم أتوكل نزل ..
في المشرع لقى .. زملان الشقى
الجاء من الجريف .. الجاء من الجبل
عل الناس بخير ..
صبح هاظرم
نقنق ناقرم ..
غاظوه ونعل
وعم عبد الرحيم ما يخبر زعل ..
كل الناس هنا ما بتخبر زعل ..
تزعل من منو .. وتزعل في شِنو ..
كل الناس هنا .. كل الناس صحاب ..كل الناس أهل
والماهم قراب .. قربم العمل ..

الطاق اليطق عشت أبو الزمل ..
بالحالة العليك بالفال بالأمل ..
عم عبد الرحيم كُت فلاح في يوم ..
في أيدك تنوم .. على كيفك تقوم ..
لا دفتر حضور .. لا حصة فطور ..
تقرع بالقمر .. تزرع بالنجوم ..
لكن الزمن دوار لا بدوم ...

وعم عبد الرحيم ماشي على الشغل ..
في البال القديم
إتعارض تُكل ..
تنشايح جراح يا .........
كيف الغسل ..
الدِنيا أم صلاح .. تبدأ من التُكل ..
في حق الملاح .. في اللبس الجديد ..
في القص القديم .. وبيناتن عشم ..
في الفرج البعيد ..

أمونه الصباح قالتلو النعال ..
والطِرق إنهرن ..ما قالتلو جيب
شيلن يا الحبيب .. غشهن النقُلتي والترزي القريب
بس يا أم الحسن ..
طقهن لا بفيد ....
إنطقن زمن ..
وإنطق الزمن لازمك توب جديد ..
وبأياً تمن ..
غصباً للظروف والحال الحرن ..
شان يا أم الرحوم .. ما تنكسفي يوم
لو جارتنا جن .. مارقات لي صفاح
أو بيريك نجاح .. ده الواجب إذن
وإيه الدنيا غير .. لمت ناس في خير
أو ساعة حزن ..

عم عبد الرحيم يا حر ..
ات ماك حر ..
ياريت التمر ياريت لو يشيل كل تلات اشر ..
ولا أيام زمان كانت ما بتمر ..
كان ما جاك هوان وما لاقاك ضر ..
كان لا ضقتي ضيق لا اتغرغر صبر ..
لا شابيت غريق لا طوح فقر ..
وكان ما كان ... وكان اكسيكي در ..

والماهية أُف .. عيشة هاك وكُف
في هذا الزمن .. تُف يا دنيا تُف
يا العبد الشقي .. ما إتعود شكِي
لكن الكفاف فوقك مُنتكي
والسوق فيك يسوق ..حالك ما بتسر ..
إلا كمان في ناس فايتاك بالصبر ..
ساكنين بالإيجار لا طين لا تمر ..
واحدين بالإيجار ما لاقين جُحر ..
سلعتم الضراع والعرق اليخر ..
عمال المدن .. كلات المواني ..
الغبش التعاني ..
بحارة السفن .. حشاشة القِصون ..
لقاطة القطن .. الجالب الحُبال
الفِطن الفرن .. الشغلانتو نار ..
والجو كيف سُخن ..
فرقاً شتى بين .. ناساً عيشا دين ..
مجرورة وتجر ..
تقدح بالأجر .. ومرة بلا أجر ..
عيشن كم هو .. وديشن هانقدر ..

وناساً حاله زين ..
مصنع .. مصنعين ..
طين في طين وين ..
ما مرابه مُر ..
بارد همها .. لا يعرق جبين ..
لا وشاً يصُر ..
عين والله عين ..
كلها كمها .. وعزها هان قدر ..
في الجنة أم نعيم .. في الجنة أم قصُر ..
يا عبد الرحيم إلا وراء القبر ..
ويُلكز في الحُمار .. لا تسرح كُتر
فتاح يا عليم ..
وإن كان القفر يا عبد الرحيم ..
أشبه بالكفر ..

حيكومات تجي .. وحيكومات تغور ..
تحكُم بالحُجي .. بالدجل الكجُور ..
ومرة العسكري كسار الجبُور ..
يوم باسم النبي تحكمك القبور ..
تعرف يا صبي ..
مرة تلف تدور .. ولا تقول برِي ..
أو تحرق بخور ..
هِم يا الفنجري .. يالجرف الصبور ..
كل السمتو مات .. باقي على التمور
وأرضك راقدي بُور ..
لا تيراب وصل .. لا بابور يدور
ونقرط للحمار .. نقريطة الحمار
لا تنسى النعال ..
الطِرقي .. الخضار .. اللبس الجديد
تسريح السفر للماشي الصعيد .. ماشي الديش نفر
والبال إشتغل .. والبال إشتعل بالآبى ما يعيد
الحول ما إشتغل ..
الغُبن الشديد .. السابا ورحل ..
الضيق المحل .. والفرج القريب ..
الجاء وما وصل ..
زي الحال ده يوم لا كان لا حصل .. والبال إشتغل

السكة الحديد يا عمو القطر ..
يا عبد الرحيم قدامك قطر ..
وسال الدم مطر ..
وطارت دمعتين ..وإنشايح وتر
يا طاحن الخبر ما بين القضا ومرحاكة القدر
الشهدوا الدموم .. والدمع الهدر ..
إيدهم في التراب .. والعين في القطر ..
عارفين الحصل .. عارفين في حذر ..
الخبر اليقين بوّخ وإنتشر ..
أطفال القرى وعمال الحضر ..
أدوه الطيور ودنو البحر ..
إنصاعد سحاب وإندافق مطر ..
عم عبد الرحيم في الشارع عَصر ..
لي تاله اليسار متفادي الكجر ..
دورية الكجر .. عربية الكجر ..
جفلت الحمار وطوّح زي حجر ..
وعم عبد الرحيم إتلافا القطر ..

فتاح يا عليم .. سال الدم مطر ..
جرتق للتراب .. منشور بي كتاب ..
روشتة وجواب .. وماهية شهر ..
مفتاح آب غراب .. أورنيكين سهر ..
جنب لبدة حمار مقطوعين ضهر ..
عم عبد الرحيم يا كمين بشر ..
صحي الموت سلام ..
ما يغشاك شر

محمد الزبير محمد علي
22-Apr-2009, 01:52 AM
مستحيل اندم عليك
الدمعة لو غلبها النزول حرمانة لو تنزل عليك
شوقى لو غلبه الصبر بتحدى لو يحن ليك
لو قلبى يتقطع وراك اصلى مابنزل ليك
وجروحى تنزف بالسنين ودواها يصبح بين ايديك
مستحيل مستحيل ارجع اليك

لو جانى احساس بالامل ترجع علاقة حبى بيك
لو جانى احساس بالحنين اتمنى ماارجع اليك
اتمنى من كل الدروب تنسدا لو بتودى ليك
اتمنى من الليل يطول لو الصباح واقف عليك
مستحيل مستحيل ارجع اليك

فاكرنى بشتاق لعينيك انا اصلى ما لعبة فى ايديك
فاكرنى بجرى عشان رضاك بنساك ولا اسفا عليك
فاكرنى غير حبك بموت انا حى كيتا عليك
اخر كلامى العندى ليك مستحيل اندم عليك

محمد الزبير محمد علي
22-Apr-2009, 07:19 PM
الطيب عبد الله


يا غالية
يا غالية يا نبع الحنان
يا حبيبو يا ست الحسان
انا حبي ليك فاق الظنون
واخلاصي باين وباقي مع الزمان
خليني جنبك ياحبيبة
قلبي مات ماتقولي الوداع
خليني انسى عذاب سنيني
قضيتو من هم وضياع
خليني اشعر بي وجودي
وانسى ايام الضياع
خليني احيا على امل
ولقياك لوك بالخداع
غصبا عني يا املي وحياتي
ولقيت خطاك سايقاني ليك
غصبا عني يا املي وحياتي
و قولي لخطاك طال سايلاهو ليه
نسيت مشاعري كل لي
برضو اللي في دمي بيسلم عليك
وحيات شبابي يا حبيبة
سعدي وشقاي انا بين ايديك
دايرك تكوني شريكة لي
واكون معاك واخلص اليك
دايرك تكوني شريكة لي
واكون معاك واخلص حبيب
يا غالية يا نبع الحنان
يا حبيبو يا ست الحسان

محمد الزبير محمد علي
22-Apr-2009, 07:22 PM
مافى حتى رساله واحده

بها اتصبر شويه
والوعد بناتنا انك كل يوم تكتب الى
هل يجوز والغربه حارة
بالخطاب تبخل على
لما اخر مرة شفتك قبل ما اودع واغادر
كنت حاسس انى خايف
انى متردد وحاير
داير اتصبر امامك
داير اضحك ما نى قادر
بس دموعك لما فاضت ضيعت صبرى الشويه
وصحت موعدنا الرسايل
وين رسايلك
وين كتاباتك الى
صرت بعدك يا حبيبى ذرة فى بحر الزمن
بعت للالام مواهبى
بعتها بابخس ثمن
وحشه ما بتعرف رسايل
غربه عن ارض الوطن
بس امل واحد بعيشو
لو رسالة تصل الى
بها اطمن عليكم
حرام .. تبخل على

محمد الزبير محمد علي
22-Apr-2009, 07:30 PM
قصتنا

.....بالمعزه البينا ...........
بالهوى العيشناهو خمسه سنين ومات
بالعذاب الشفتو والسر الكتمتو
وباقى الطيبات
استحلفك تترك سبيلى
وسيبنى واحضن اماسى وابكى الزكريات
انا بى حنانى القاك واصطفيك
وحبيتك بكل جوانحى العميقه
انا شلت من اجلك هموم الدنيا
اهديتنى من جراحها بكل طيبه
لسعادتك انت انا ضحيت
واتغربت ماخليت طريقه
فى مسيرى المضنى
من اجل الحقيقه
كل طائر مرتحل
عبر البحر قاصد الاهل
حملتو اشواقى الدفيقه
ليك يا حبيب للوطن
لترابو لرمالو للدار الوريقه
لكن حنانك لليا
او حتى مشاعرك نحوى
ماكانت حقيقه كانت وهم
كانت دموع مزبوحه باحرف انيقه
ما باييدى لو ضباب الغيره اعمانى
وزيف لى الحقيقه
انت نبع حنانى انت كيانى
انت الدنيا بهجة وشروقا
وانحصل زلت خطاى معاك
او ضلت طريقا
هل تصدق تنتهى قصتنا
يا اجمل حقيقه
نحنا عشناها بدموعنا
وبالضنا فى كل دقيقه
ياحبيبى لم تزل قصتنا
قصة حب اقوى من الحقيقه

محمد الزبير محمد علي
22-Apr-2009, 07:54 PM
كانت لنا أيام
في قلبي ذكراها
ما زلت أطراها
يا ليتنا عدنا .. أو عادت الأيام

إن أنسى ما أنسى
ذكراك يا سلمى
في وكرنا المهجور
والصمت قد عم
تحلو لنا الشكوى
والحب والنجوى
لن أنسى نجواكي
والهمسة والبسمة
وحرارة الأنفاس
في قبلتي لما
ضمتك يمنايا
يا سعد دنياي
وغفوتي في صدري
نشوانة بالأحلام

كيف أنسى أيامي
وفكرتي الكبرى
يا وحي إلهامي
أنا عمت بالذكرى
ذكرى لياليكي
في خدر واديكي
الليل أهواه
في شعرك الناعم
لكن تباعدنا
دهرا وما عدنا
للوكر يا سلمى
أو عادت الأيام
أو عادت الأيام

محمد الزبير محمد علي
22-Apr-2009, 07:57 PM
بعــــد الفـــــراق

بعد الفراق ما عدت تاني تهمنا

إيه الحصل تكتب جواب مضمونه انت تذمنا

ما قلت في ساعة الوداع مافي أمل ح يلمنا

اخترت إنت طريق طويل سكتنا ما زي سكتك

لابس المظاهر والغرور في نص الطريق بنزلك

إيه الحصل تكتب جواب وعايزنا نحن نقدرك

ما قلت في ساعة الوداع إنت النجوم وايدينا ما بتحصلك

إنحنا ما درنا الفراق والله ما درنا الفراق البيه جيت فاجأتنا

عايشين علي ريدك سنين في لحظة جيت بس خنتنا

إيه الحصل تكتب جواب عايز نواصل ودنا

ما قلت في ساعة الوداع مافي أمل حيلمنا

بعد الفراق

ملهم المشاعر
23-Apr-2009, 01:11 AM
هع هع مالم الهلالاب يا سيف
احسن من المرخاب

محمد الزبير محمد علي
25-Apr-2009, 04:28 PM
هع هع هع هع
مشكوور
علىىى
المرووور

محمد الزبير محمد علي
01-May-2009, 07:35 PM
لا بعدك بفرحني لا قربك بريحني
في الحالتين أنا ضايع ما لاقي اللى ينصفني
أقول أنساك أفوت لي دنيا ما دنياك
يسرح قلبي في ذكراك تاني الشوق يرجعني
أتعب و أشقى برضي معاك
في الحالتين أنا ضايع و مالاقي البينصفني
لابعدك بفرحني
سنين والحزن مالكني
لمن قلت أنسى هواك أشوف غيرك ينسيني
لقيتك انت في قلبي
انت زاد دربي بعدك ما بفرحني
قربك ما بريحني في الحالتين انا ضايع
ومالاقي البينصفني لابعدك بفرحني
أتخاصمنا كم مرات واتراجعنا كم مرات
أتعاهدنا ننسى الفات
نطوي الماضي في صفحات
صفحة جديدة ما تكمل ترجع تاني تجهلني
لا بعدك بفرحني

محمد الزبير محمد علي
01-May-2009, 07:44 PM
الريده خوه



جيت تقول الريده خوه آه

جيت تقول الريده خوه بعد ما خلخلت قلبي و فيني ما خليت مُرُوَه

خوه ايه بتبكي سيدا و خوه بتسهر ليالي الاّ دي الخوه الجديده

و الكلام القلنا سوا بي دموع الشوق كتبتوا

و الزمن شن فينا سوا ؟؟

انت ما زولي العرفتو و الوداد

ما بدورلو قوه

و البفوز بي هواك بختو

جيت تقول الريده خوه آه

جيت تقول الريده خوه بعد ما خلخلت قلبي و فيني ما خليت مروه